ރާއްޖޭގެ މާލީ ހާލަތު ގޯސްވަނީ މިސަރުކާރުން ގެންގުޅޭ ސިޔާސަތުގެ ސަބަބުން ކަަަަމަށް ކުރީގެ ފިނޭންސް މިނިސްޓަރ އިބްރާހިމް އަމީރު ވިދާޅުވެއްޖެއެވެ.

އެމްޑީޕީ އޮފީހުގައި މިއަދު ކުރިއަށްގެންދިޔަ ނޫސްވެރިންގެ ބައްދަލުވުމުގައި ވާހަކަ ދައްކަމުން އަމީރު ހާމަކުރެއްވިގޮތުގައި އެމްޑީޕީ ސަރުކާރުގައި ކަންކަން ކަނޑައަޅާފައިވާނީ އިގްތިސާދީ ކޮމިޓީގެ އިރުޝާދާއި ލަފާގެ ދަށުން ކަމަށެވެ. ނަމަވެސް މިސަރުކާރުން ވަނީ އެކްޝަން ޕްލޭން ހެދުމާއި ދިރާސާ ކުރުމުގެ ނަމުގައި ސިޔާސަތުތައް ތަންފީޒުކުރަން ފަހަތަށްޖެހިކަމަށާއި އަދި މިކަމުގައި ގިނަ ވަގުތުތަކެއް ބޭކާރުވެގެންވާދާކަމަށެވެ.

މިސަރުކާރުން ގެންނަންޖެހޭ އިސްލާހީ ފިޔަވަޅުތައް ލަސް ކުރަމުން އަންނަކަމަށާއި މީގެ ސަބަބުން ފައިނޭންސިނގް ގެޕް ބޮޑުވާނެކަމަށް ވެސް އަމީރު ވަނީ ހާމަކޮށްފައެވެ. އަދި މި އަހަރު އިސްލާހީ ފިޔަވަޅުތައް ނޭޅިއްޖެ ކަމުގައި ވަނީ ނަމަ 1.8 ބިލިއަން ރުފިޔާ އިތުރަށް ހޯދަންޖެހޭނެ ކަމަށާއި މިއާއި އެކު ސަބްސިޑީ އަދި ޑެފިސިޓް ވެސް ބޮޑުވެގެން ދާނެ ކަމަށް ވެސް އަމީރު ވަނީ ހާމަކޮށްފައެވެ.

ދައުލަތަށް ލިބެންޖެހޭ 16 މިލިއަން ރުފިޔާ ހޯއްދެވުމަށް ވެސް އަމީރު ވަނީ ސަރުކާރަށް ގޮވާލާފައެވެ. އަދި މިކަމުގައި ސަރުކާރުން ވަރަށް ވެސް ވިސްނުންތެރިވާންޖެހޭނެ ކަމަށްވެސް އަމީރު ވިދާޅުވިއެވެ. އެގޮތުން އަމީރު ވަނީ އެމްޑީޕީގެ ސިޔާސަތާއި މިސަރުކާރުން ގެންގުޅުއްވާ ސިޔާސަތާއި ގިނަ ގުނަ ތަފާތުތަކެއް ހުންނެވި ކަމަށް ބުނެ ސަރުކާރުގެ ސިޔާސަތަށް ވަރަށް ބޮޑަށް ފާޑުވިދާޅުވެފައެވެ. ޓެކްސް ގެ ނިޒާމު އިތުރުވަމުން އަންނަ ލިބެންޖެހޭ ފައިސާއާއި މެދު އަމަލުކުރާނެ ގޮތުގެ ސިޔާސަތެއް ވެސް މިސަރުކާރުން އެކުލަވާލާފައިނުވާ ކަމަށާއި މމިފަދަ ސިޔާސަތެއް އެކުލަވާލަން ކަމާއި ބެހޭ ފަރާތްތަަކާއި މަޝްވަރާ ކުރެއްވުމަށް އަމީރު ވަނީ ސަރުކާރަށް ގޮވާލައްވާފައެވެ.

ސަރުކާރުގެ މަސައްކަތްތަކަށް އިތުރަށް ފާޑު ވިދާޅުވެ އަމީރު ހާމަކުރިގޮތުގައި ބަޖެޓަށް ހޯދަންޖެހޭ ފައިސާ ހޯއްދެވުމަށް ،މިސަރުކާރު ނުކުޅެދިފައިވާކަމަށާއި އެގޮތުން ބަޖެޓަށް ޑޮލަރު ހޯދަން ހުށައެޅުނު ޕްރޮޕޯޒަލް ތަކުން ސަރުކާރް 19 ޕްރޮޕޯޒަލް ކަމަށެވެ. އަދި މީގެއިން އެއްވެސް ޕްރޮޕޯޒަލް އަކުން މިހާތަނަށް އެންމެ ޑޮލަރެއްވެސް ސަރުކާރަށް ލިބިފައިނުވާކަމަށް ވެސް ކުރީގެ ފިނޭންސް މިނިސްޓަރ އިބްރާހިމް އަމީރު ވަނީ ވިދާޅުވެފައެވެ.

ސަރުކާރުގެ ކަންކަން ހިންގަނީ ސިއްރުކޮށްގެން ކަމަށާއި އަދި މީގެ ސަބަބުން ރާއްޖޭގެ މިހާރު މާލީ ހާމަކަންވެސް ދަނީ ފަހަތަށްކަމަށް ވެސް އަމީރު ވަނީ ހާމަކޮށްފައެވެ. މިމޭރުމުން ވާޙަކަދައްކަވަމުން އަމީރު އިތުރަށް ވިދާޅުވީ ސަރުކާރުން ރިޕޯޓްތައް އާއްމުކުރުން ހުއްޓާލާފައިވާކަމަށާއި ގިނަ ރިޕޯޓްތައް ހުރީ ހުށައަޅަންވާ މުއްދަތު ފާއިތުވެގޮސްފައިކަމަށެވެ. މީގެ ސަބަބުން މާލީ ހާލަތު ރައްޔިތުންނަށް ނޭނގޭ ކަމަށް ވެސް އަމީރު ވިދާޅުވިއެވެ،

އެމްޑިޕީ އިންވަނީ އެޕާޓީގެ ސިޔާސަތާއި މިސަރުކާރުގެ ސިޔާސަތާއި އަޅުވައިކިޔައި ސަރުކާރަށް ވަރަށް ބޮޑަށް ފާޑު ކިޔާފައެވެ.