ކޮޅުވެއްޓިއެއް ބަންޑުން ޖަހާލައިގެން ހަރަކާތްތެރިވަމުން އަންނަކަމަށް މެރިން ޕޮލިހުންނާއި އެމްއެންޑީއެފުން ވެސް ބުނެފިއެވެ.

މެރިން ޕޮލިހުން ބުނިގޮތުގައި މި ހާދިސާ ހިނގާފައި ވަނީ މާލޭ އެމްޕީއެލް އާއި ދިމާ ބޭރުގައެވެ.

Ad by Hajj Corporation

މި ހާދިސާގައި ތިން ފަޅުވެރިއަކު ސަލާމަތްކޮށް، ފަރުވާދިނުމަށް މިހާރު ވަނީ އައިޖީއެމްއެޗް ހޮސްޕިޓަލަށް ގެންގޮސްފައެވެ. އަދި އެކަކު ހޯދުމުގެ މަސައްކަތް އެމްއެންޑީއެފުން އަންނަނީ ކުރަމުންނެވެ.

ފުލުހުން ބުނީ މިހާދިސާގެ މައުލޫމާތު އެ އިދާރާ އަށް ލިބުނީ މިއަދު 15:44 ހާއިރު ކަމަށެވެ.

16:58 - ހާދިސާގެ އަޕްޑޭޓް:

''މި ހާދިސާ ހިނގި އިރު، ބަންޑުންޖަހާލި ލޭންޑިންކްރާފްޓްގެ ތެރޭގައި މީހަކު ހުރި ކަމުގެ މަޢުލޫމާތު ލިބިގެން އެ މީހާ ހޯދުމަށް އެމްއެންޑީއެފް ކޯސްޓްގާޑުގެ ޑައިވަރުން ކުރި މަސައްކަތުން، އެ މީހާ ވަނީ ނަގާފައި'' އެމްއެންޑީއެފުން ބުންޏެވެ.

17:08 - ހާދިސާގެ އަޕްޑޭޓް:

ފުލުހުން ބުނީ މިހާތަނަށް 6 މީހަކު އައިޖީއެމްއެޗަށް ގެންދެވިފައިވާކަމަށެވެ. އެއިގެ ތެރޭގައި ހިމެނެނީ 2 ބިދޭސީންނާއި 4 ދިވެހިންކަމަށް ވެސް ފުލުހުން ބުންޏެވެ.

17:20- ހާދިސާގެ އަޕްޑޭޓް:

މިހާދިސާގައި މީހަކު ނިޔާވިކަމުގެ މައުލޫމާތެއް އަދި މިހާތަނަށް ނުލިބޭކަމަށް ފުލުހުން ބުނެއެވެ.