މިއަދު މާލޭގެ އެމްޕީއެލް ސަރަހައްދާ ދިމާ ބޭރުގައި ލޭންޑިން ކްރާފްޓެއް ބަނޑުން ޖަހާލި ހާދިސާގައި އަނިޔާވި ދިވެއްސެއްގެ ހާލު ސީރިއަސްކަމަށް ފުލުހުން ބުނެފިއެވެ.

ސީރިއަސް ހާލުގައި ފަރުވާދެމުން އަންނަ ދިވެހި މީހާއަކީ އުމުރުން 25 އަހަރުގެ މީހެއްކަމަށް ފުލުހުން ބުނެއެވެ.

Ad by Hajj Corporation

މި ހާދިސާގައި ޖުމްލަ ހަ މީހަކަށް ފަރުވާ ދެމުން އަންނައިރު، މީގެ ތެރެއިން ބަންގްލަދޭޝްގެ ރައްޔިތެއް ވަނީ ނިޔާވެފައެވެ. ނިޔާވެފައިވާ ބިދޭސީއަކީ އުމުރުން 32 އަހަރުގެ ބަންގްލަދޭޝްގެ ރައްޔިތެއްކަމަށްވާ މަސްއުދު ހޮސައިން އެވެ.

މި ހާދިސާގެ ރިޕޯޓް ފުލުހުންނަށް ލިބިފައިވަނީ މިއަދު މެންދުރު ފަހު 15:44 ހާއިރުއެވެ. މީގެ އިތުރުން، އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑު ސެކަންޑް ސްކޮޑްރަން އިން ވެސް ވަނީ 16:39 ގައި ހަރަކާތްތެރިވާން ފަށާފައެވެ.

ހާދިސާ ހިނގިއިރު ކޮޅުވެއްޓީގައި ޖުމްލަ 14 މީހުން ތިބިކަމަށް ފުލުހުންގެ ތަހުގީގަށް އެނގިފައިވެއެވެ. އެ އެންމެން ވެސް ވަނީ ފެނިފައެވެ.