ބަންގްލަދޭޝްގައި ހިނގަމުންދިޔަ ހަމަނުޖެހުންތަކާއި ގުޅިގެން ހާލަތު ގޯސްވެ މެދުކަނޑާލި މޯލްޑިވިއަންގެ ދަތުރުތައް އަލުން ފެށުމަށް ނިންމައިފިއެވެ. މޯލްޑިވިއަނުން ވަނީ ބަންގްލަދޭޝްގައި ޖެނެރަލް ޕެސެންޖަރ ސޭލްސް އެޖެންޓެއް ހޯދަން އިޢުލާންކޮށްފައެވެ.

މޯލްޑިވިއަނުން ވަނީ ބަންގްލަދޭޝްގައި ޖެނެރަލް ޕެސެންޖަރ ސޭލްސް އެޖެންޓަކަށް ވާންބޭނުންވާ ފަރާތްތަކުން މިމަހުގެ 6 ވަނަ ދުވަހުގެ ކުރިން އެކަމަށް އެދި އެކުންފުންޏަށް ހުށައެޅޭނެކަމަށް ބުނެފައެވެ.

ބަންގްލަދޭޝްއަށް މޯލްޑިވިއަނުން ކުރަމުންއައި ދަތުރުތައް މެދުކަނޑާލީ އެޤައުމުގައި ހިނގަމުންދާ ހަމަނުޖެހުންތަކާއި ގުޅިގެން ހާލަތު ގޯސްވުމުން މިދިޔަ އަހަރުގެ އޯގަސްޓުމަހުން ފެށިގެންނެވެ.

Ad by Hajj Corporation

ދަތުރުތައް މެދުކަނޑާލުމުގެ ކުރިން ބަންގްލަދޭޝްއަކީ މޯލްޑިވިއަނުން ދަތުރުކުރަމުންދާ ބައިނަލްއަޤްވާމީ މަންޒިލްތަކުގެ ތެރެއިން މަންޒިލެކެވެ. އެގޮތުން ދަތުރުތައް މެދުކަނޑާލުމުގެ ކުރިން ކޮންމެ ހަފްތާއަކުވެސް މޯލްޑިވިއަންގެ ދަތުރުތައް ބަންގްލަދޭޝްގެ ޑާކާއަށް އައީ ބާއްވަމުންނެވެ.

މޯލްޑިވިއަނުން މިހާރު ބައިނަލްއަޤްވާމީ ދަތުރުތައް ކުރަނީ އިންޑިއާ އަދި ޗައިނާއަށެވެ.