ދައުލަތުގެ ބެލުމުގެ ދަށުގައި ތިބޭ ކުދިންތަކެއް، އެހެން ކުޑަކުއްޖަކަށް ގަދަކަމުން ސިނގިރޭޓް ދިނުމުގެ ސީރިއަސް މައްސަލައެއް ފުލުހުން ތަހުގީގު ކުރަން ފަށައިފިއެވެ.

މި މައްސަލަ ފުލުހުންނަށް ހުށަހަޅާފައިވަނީ 2025 ނޮވެމްބަރު 22 ވަނަ ދުވަހުގެ 18:35 ހާއިރުއެވެ.

Ad by Hajj Corporation

ފުލުހުން ހާމަކުރާ ގޮތުގައި، މި ހާދިސާ ހިނގާފައިވަނީ އަތޮޅުތެރޭގެ ރަށެއްގައެވެ. ދައުލަތުގެ ބެލުމުގެ ދަށުގައި ތިބޭ ކުދިންތަކެއް، އެހެން ކުޑަކުއްޖަކަށް ގަދަކަމުން ސިނގިރޭޓް ދީފައިވަނީ އެ ރަށުގެ ކުޑަކުއްޖަކަށެވެ.

ފުލުހުން ބުނީ، މި މައްސަލަ ކަމާ ގުޅުންހުރި އިދާރާތަކާ ގުޅިގެން ދަނީ ތަހުގީގު ކުރަމުން އަންނަ ކަމަށެވެ.

ކުޑަކުދިންނާ ގުޅުންހުރި މައްސަލަތަކުގައި ވީހާވެސް އަވަހަށް ތަހުގީގުކޮށް، ކުށްވެރިންނަށް ފިޔަވަޅު އެޅުމަކީ މުޖުތަމަޢުގެ ހަމަޖެހުމަށްޓަކައި މުހިންމު ކަމެއްކަން ފުލުހުން ފާހަގަކުރެއެވެ.

ކުޑަކުދިންނަށް ސިނގިރޭޓް ދިނުމަކީ ގާނޫނީ ކުށެކެވެ. މި ހާދިސާއަކީ ކުޑަކުއްޖެއްގެ ކަރާމާތާއި ގުޅުން ހުރި މައްސަލައަކަށްވާތީ، މައްސަލައިގައި ޝާމިލުވާ ކުއްޖާގެ ވަނަވަރާއި، ހާދިސާ ހިނގި ރަށް ފުލުހުން ހާމަކޮށްފައެއް ނުވެއެވެ. އެއީ ކުއްޖާގެ ރައްކާތެރިކަން ކަށަވަރުކުރުމަށްޓަކައެވެ.