މާލޭގެ ކެފޭއެއްގައި މިއަދު އަލިފާނުގެ ހާދިސާއެއް ހިނގައި ބިދޭސީއެއްގެ ފައި ފިހިއްޖެއެވެ.

މިއަދު 12:53 ހާއިރު، އެމްއެންޑީއެފުން ބުނީ، ހ. ވިލާ ޓީވީ ކައިރީ ހުންނަ އަލް ޒައިދު ކެފޭގައި އަލިފާނުގެ ހާދިސާއެއް ހިނގައިގެން ފަޔާފައިޓަރުން ހަރަކާތްތެރިވަމުން އަންނަ ކަމަށެވެ.

Ad by Hajj Corporation

އެމްއެންޑީއެފުން މަޢުލޫމާތު ދިން ގޮތުގައި، ކެފޭގައި ރޯވި އަލިފާން ކޮންޓްރޯލް ކުރެވިފައި ވަނީ 13:07 ހާއިރުއެވެ.

އެ ހާދިސާއާ ގުޅިގެން އެމްއެންޑީއެފް އާއި، ފުލުހުންގެ އިތުރުން ނެޝަނަލް ޑިޒާސްޓާ މެނޭޖުމަންޓް އޮތޯރިޓީ (އެންޑީއެމްއޭ) ވެސް ޙަރާތްތެރި ވެފައި ވެއެވެ.

އެންޑީއެމްއޭއިން ބުނީ، މި ހާދިސާގައި ބިދޭސީއެއްގެ ފައި ކޮންމެވެސް މިންވަރަކަށް ފިހުނު ކަމަށެވެ. ނަމަވެސް އެއްވެސް މީހަކަށް އިންސާނީ އެހީ ބޭނުންވާ ހާލަތަކަށް ގޮސްފައިނުވާ ކަމަށް އެންޑީއެމްއޭއިން ވަނީ ބުނެފައެވެ.

މި ހާދިސާ ހިނގަން މެދުވެރިވި ސަބަބެއް މިހާތަނަށް ސާފުވެފައެއް ނުވެއެވެ.