ފޮރިން މިނިސްޓަރު ޑރ. އަބްދުﷲ ހަލީލު ޗައިނާ އިން ރާއްޖެ އަށް ކަނޑައަޅުއްވާފައި ހުންނަވާ ސަފީރު، ވާންގް ލިޒިންއާ މިއަދު ބައްދަލު ކުރައްވައިފި އެވެ.

މިއީ ފޮރިން މިނިސްޓަރު ކަމަށް ހަލީލު އައްޔަން ކުރެއްވުމާ ގުޅިގެން ބޭއްވި މިފަދަ ދެވަނަ ބައްދަލުވުމެވެ. މިނިސްޓަރ ހަލީލު މީގެކުރިން ހުންނެވީ ހެލްތު މިނިސްޓަރުގެ މަގާމުގަ އެވެ. ފޮރިން މިނިސްޓަރުގެ މަގާމުގައި ކުރިން ހުންނެވި މޫސާ ޒަމީރު މިހާރު ވަނީ ފިނޭންސް މިނިސްޓަރު ކަމަށް އައްޔަންކުރައްވާފަ އެވެ.

Ad by Hajj Corporation

ފޮރިން މިނިސްޓަރުކަމާ ހަވާލުވެވަޑައިގެންނެވުމަށް ފަހު ހަލީލު އެންމެ ފުރަތަމަ ބައްދަލުކުރެއްވީ އިންޑިއާ ސަފީރު މުނޫ މަހާވަރާ އެވެ. އެ ބައްދަލުވުމުގައި ދެ ގައުމުގެ ދެމެދުގައި އޮތް ގާތް ގުޅުމާއި އަދި އެކި އެކި ދާއިރާތަކުން ދެ ގައުމުގެ ގުޅުން ބަދަހިކުރުމާ ގުޅޭގޮތުން ވަނީ މަޝްވަރާ ކުރައްވާފައެވެ.