ޖާގަ އިތުރުކޮށް އާސަހަރާ މަރާމާތުކުރެވުނީ އެންމެ ބޭނުންފުޅުވި ގޮތަށްކަމަށާއި މިކަމުގެ ސަބަބުން ރައްޔިތުންނަށް ފަސޭހަވެގެންދާނެކަމަށް އުއްމީދުކުރައްވާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ މަރާމާތަށްހު މާލޭގެ އާސަހަރާ މިސްކިތާއި އާ ސަހަރާ ހުޅުއްވައިދެއްވުމަށްފަހު މީޑިއާތަކަށް ދެއްވި އިންޓަވިއުއެއްގައެވެ.

Ad by Hajj Corporation

ރައީސް ވިދާޅުވީ ބޭނުންފުޅުވީ އާސަހަރާ މިސްކިތަކީ ހިތްގައިމު އަދި ޖާގަ ތަނަވަސްތަނަކަށް ހެއްދެވުމަށްކަމަށެވެ. އާއިލާތަކަށް އެންމެ ހިތްދަތިވާ ވަގުތުވެސް އެތަނުގައި ތިބޭއިރު ފަސޭހައިން ތިބެވޭނެ އިންތިޒާމެއް ހަމަޖައްސަވަން ބޭނުންފުޅުވިކަމަށް ރައީސް ވިދާޅުވިއެވެ.

އެ މަސައްކަތް މިއަދު ނިމިފައިހުރުމަކީ ލިބިވަޑައިގަންނަވާ އުފާފުޅެއްކަމަށް އެމަނިކުފާނު ވިދާޅުވިއެވެ.

"ވެއިޓިން އޭރިއާ ބޮޑުކޮށްފައި، ހިނަވާ އޭރިޔާ ތަނަވަސްކޮށްފައި މިވަނީ. އުއްމީދުކުރަނީ މި މިސްކިތަށް އަންނަ މީހުންނާއި މި ފެސިލިޓީ ބޭނުންކުރާ އެންމެން އަދި މުވައްޒަފުންނަށް ފަސޭހަތަކެއްވާނެކަމަށް"، ރައީސް 

މަރާމާތަށްފަހު އަލުން މި މިސްކިތާއި ސަހަރާ ހުޅުވައި ދެއްވީ ރައީސް މުއިއްޒެވެ.

މި ރަސްމިއްޔާތުގައި މާލެ ސިޓީގެ މޭޔަރު އާދަމް ޢާޒިމާއި، ޑެޕިއުޓީ މޭޔަރު އަޙުމަދު ނަރީޝާއި، މިނިސްޓަރ އޮފް އިސްލާމިކް އެފެއާޒް ޑރ. މުޙައްމަދު ޝަހީމް ޢަލީ ސަޢީދު ބައިވެރިވެވަޑައިގެންނެވިއެވެ.

މާލޭގެ އާސަހަރާ މިސްކިތާއި އާ ސަހަރާ މަރާމާތުކުރުމަށް ބަންދުކުރީ 2023 ވަނަ އަހަރުގެ ޖޫން މަހުގެ ތެރޭގައެވެ.