ހަކަތައާއި ސިނާއަތާއި ހައިޑްރޯޖަން އުފެއްދުމުން ބޭރުވާ ކާބަން ހިފަހައްޓައި ރައްކާކުރުމުގެ މަޝްރޫއުތަކަށް ގާތްގަނޑަކަށް 22 ބިލިއަން ޕައުންޑް ދިނުމަށް ޔުނައިޓެޑް ކިންގްޑޮމް ގެ ސަރުކާރުން ވަނީ ވައުދުވެފަ އެވެ.

އަދި ކުރިއަށް އޮތް 25 އަހަރު ދުވަހުގެ ތެރޭގައި ވައުދުވި މާސީސައިޑާއި ޓީސްސައިޑްގެ ދެ "ކާބަން ކެޕްޗާ ކްލަސްޓާ" އަށް ފަންޑު ކުރުމުގެ ސަބަބުން އެތައް ހާސް ވަޒީފާއެއް އުފެދި، ޕްރައިވެޓް އިންވެސްޓްމަންޓުތަކަށް ޝައުގުވެރިވެ، އިނގިރޭސިވިލާތުން މޫސުމީ ލަނޑުދަނޑިތައް ހާސިލްކުރުމަށް މަގުފަހިވެގެންދާނެ ކަމަށް އެ ގައުމުގެ ސަރުކާރުން ބުންޏެވެ.

Ad by Hajj Corporation

ޗާންސެލާ ރެޗެލް ރީވްސް އާއި އެނާޖީ ސެކްރެޓަރީ އެޑް މިލިބޭންޑާއެކު އިންގްލެންޑްގެ ހުޅަނގު އުތުރުން މި މަޝްރޫއުތައް ކަށަވަރު ކުރުމަށް ހަމަޖެހިފައިވާ ސަރ ކެއިރް ސްޓާމަރ ވިދާޅުވީ މިކަމުގެ ސަބަބުން "އަޅުގަނޑުމެންގެ އިންޑަސްޓްރިއަލް ހާޓްލޭންޑްސް އަލުން ދިރުވައި، ކުރިއެރުމަށް މަގުފަހިވެގެންދާނެ" ކަމަށެވެ. ނަމަވެސް ގްރީން ކެމްޕެއިންކުރާ ބައެއް ފަރާތްތަކުން ބުނަމުން ދަނީ މި އިންވެސްޓްމަންޓުގެ ސަބަބުން "ޕްލެނެޓް ހޫނުކުރާ ތެލާއި ގޭސް އުފެއްދުމުގެ އުމުރު ދިގުވެގެންދާނެ" ކަމަށެވެ.