ހުޅުމާލޭގައި ހުންނަ ސްޓެލްކޯގެ ބާ އިންޖީނުގޭގައި މިދިޔަ މަހު ހިނގި އަލިފާނުގެ ހާދިސާގައި ފިހިގެން ލިބުނު އަނިޔާތަކާ ގުޅިގެން ރާއްޖޭން ބޭރުގައި ފަރުވާ ދެމުން އަންނަނިކޮށް ނިޔާވި މީހާގެ ޖަނާޒާ މިރޭ ބާއްވަން ހަމަޖެހިއްޖެއެވެ.

އަލިފާނުގެ ހާދިސާގައި ފިހުނީ ސްޓެލްކޯގެ ސުޕަވައިޒަރެއްގެ ގޮތުގައި މަސައްކަތް ކުރަމުން ދިޔަ އުމުރުން 42 އަހަރުގެ އަހުމަދު އަޒްމީލް އެވެ.

Ad by Hajj Corporation

އޭނާ އަށް ބެންކޮކްގެ ހޮސްޕިޓަލެއްގައި ފަރުވާ ދެމުން ދަނިކޮށް މިދިޔަ ބުރާސްފަތު ދުވަހު ވަނީ ނިޔާވެފައެވެ. އޭނާގެ ހަށިގަނޑު ރާއްޖެ އަށް ގެނައީ މިދިޔަ އާދިއްތަ ދުވަހު އެވެ.

އަޒްމީލްގެ ޖަނާޒާ ބާއްވަނީ ހުޅުމާލެ ސަހަރާގައެވެ. ކަށުނަމާދު ކުރަނީ މިރޭ އިޝާ ނަމާދަށް ފަހުގައެވެ.

އަޒްމީލް ނިޔާވިއިރު އޭނާގެ އަނބިމީހާ އިނީ ތިންވަނަ ދަރިފުޅަށް ބަލިވެ އެވެ.