މެންޗެސްޓަރ ސިޓީ 4 އަހަރުގެ ފަހުން އީއެފްއެލް ކަޕް (ކަރަބާއޯ ކަޕް) ގެ ސެމީ ފައިނަލުން ޖާގަ ހޯދައިފިއެވެ. ބުދަ ދުވަހުގެ ރޭ ކުޅުނު ކުއާޓަރ ފައިނަލް މެޗުގައި ބްރެންޓްފޯޑްގެ މައްޗަށް 2-0 ގެ ފަސޭހަ މޮޅެއް ހޯދައި، ސިޓީން ވަނީ މުބާރާތުގެ ކުރިއަށް ޖެހިލާފައެވެ. ސިޓީއަށް މި މޮޅު ހޯދައިދިނީ ރަޔާން ޗެރްކީ އާއި ސަވީނިއޯ ޖެހި ގޯލުތަކުންނެވެ.

ފޯމުގައި ހުރި ޗެރްކީ ވަނީ މެޗުގެ 32 ވަނަ މިނެޓުގައި މޮޅު ގޯލެއް ޖަހައި ސިޓީއަށް ލީޑު ނަގައިދީފައެވެ. އޭގެ ފަހުން، ސަވީނިއޯ ވަނީ މެޗުގެ 67 ވަނަ މިނެޓުގައި މި ސީޒަނުގެ އޭނާގެ ދެވަނަ ގޯލު ޖަހައި، ސިޓީއަށް ސެމީފައިނަލުގެ ޖާގަ ކަށަވަރުކޮށްދީފައެވެ.

Ad by Hajj Corporation

މިމުބާރާތުގެ ސެމީފައިނަލަށް ޗެލްސީ ދަތުރުކޮށްފައިވާއިރު، ރޭގައި ނިއުކާސަލް އިން ވަނީ ފުލަމް 2-1 އިން ބަލިކޮށް ސެމީގެ ޖާގައެއް ހޯދާފައެވެ. ކުއާޓަރ ފައިނަލުގެ ފަހުމެޗުގައި އާސެނަލް އާއި ކްރިސްޓަލް ޕެލަސް މިމަހުގެ 24 ވަނަ ދުވަހުގއި ބައްދަލުކުރާނެއެވެ.

މުބާރާތުގެ ސެމީގައި ސިޓީއިން ނިއުކާސަލް އާއި ވާދަކުރާއިރު، ޗެލްސީއިން ވާދަކުރާނީ އާސެނަލް އަދި ޕެލަސް މެޗުން މޮޅުވާޓީމަކާ ދެކޮޅަށެވެ.