ސިޓީން ލީގުގެ އެއްވަނައިގައިވާ އާސެނަލާ ދެ ޕޮއިންޓުގެ ތަފާތަށް ކައިރިވެއްޖެއެވެ. ރޭ ސިޓީއިން ވަނީ ސަންޑަރލޭންޑް 3-0 އިން ބަލިކޮށް، އެއްވަނައިގައިވާ އާސެނަލް އާއި ފަރަގު ވރަށް ކުޑަކޮށްފައެވެ. މި މެޗުގައި ސިޓީގެ ޑިފެންޑަރުން ކަމަށްވާ ރޫބެން ޑިއަސް އާއި ޔޮސްކޯ ގްވާޑިއޯލްގެ އިތުރުން ފިލް ފޯޑަން ލަނޑު ޖެހިއިރު، މެޗުގެ ހެޑްލައިންތައް ހުއްޓިފައިވަނީ ޒުވާން ކުޅުންތެރިޔާ ރަޔާން ޗެރްކީގެ ފަރާތުން ފެނުނު ހުނަރުވެރި ކުޅުމަށެވެ.

މެޗުގެ ފުރަތަމަ ގޯލު ފުރަތަމަ ހާފުގައި ޗެރްކީގެ އެސިސްޓަކުން ރުބެން ޑިއާޒް ޖެހިއިރު، ދެވަނަ ގޯލު ޖެހީ 35 ވަނަ މިނެޓުގައި ޒުވާން ކުޅުންތެރިޔާ ފޯޑެންގެ އެސިސްޓަކުން ވާޑިއޯލްއެވެ.

Ad by Hajj Corporation

ދެވަނަ ހާފު ފެށިތަނާ ސަންޑަރލޭންޑްގެ ފަރާތުން ހަމަލާތައް ފެނިގެން ދިޔައެވެ. ނަމަވެސް އެފުރުސަތުތަކުގެ ބޭނުން ނުހިފުމުގެ ނަތީޖާއަކަށްވެގެންދިޔައީ، މެޗުގެ 65 ވަނަ މިނެޓުގައި ޗެރްކީ ވަނީ ސެންސޭޝަނަލް ރާބޯނާ ކްރޮސް އެއް ފޯޑަން އަށް ދީފައެވެ. ފޯޑަން އެ ބޯޅަ ބޮލުން ގޮސް ހުރަސްދަނޑީގައި ޖެހިފައި ގޯލަށް ވަދެގެން ދިޔައެވެ.

މިމޮޅާއެކު ސިޓީއިން 15 މެޗުން 31 ޕޮއިންޓް ހޯދާފައިވާއިރު، އެއްވަނައިގައިވާ އާސެނަލް އަށް ލިބިފައިވަނީ 33 ޕޮއިންޓެވެ.