މާލޭގެ ފިހާރައެއްގެ ތެރޭގައި ތޫނު އެއްޗަކުން މީހަކަށް ޙަމަލާދީ، އަނިޔާކޮށްފިއެވެ.

ފުލުހުން ބުނީ. ދިބްލަހާރު މަގުގައި ހުރި ފިހާރައެއްގެ ތެރޭގައި މީހަކަށް ތޫނު އެއްޗަކުން ޙަމަލާދީފައިވާ މައްސަލައެއް ރޭ އެ އިދާރާއަށް ރިޕޯޓުކޮށްފައިވާ ކަމަށެވެ.

Ad by Hajj Corporation

އެ ޙާދިސާގައި އަނިޔާ ލިބުނީ ދިވެހި ފިރިހެނަކަށް ކަމަށާއި، އެ މީހާއަށް އައިޖީއެމްއެޗްގައި ފަރުވާދިނުމަށްފަހު ރޭގެ ވަގުތެއްގައި ދޫކޮށްފައިވާ ކަމަށް ވެސް ފުލުހުން ބުންޏެވެ.

އެ މައްސަލައިގައި މިހާތަނަށް މީހަކު ހައްޔަރުކޮށްފައެއް ނުވެއެވެ. އެހެން ނަމަވެސް އެ މައްސަލައިގެ ތަހުގީގު ފުލުހުން ގެންދަނީ ކުރިއަށް ގެންދަމުންނެވެ.