ހާލަންޑްގެ ދެގޯލާއެކު ވެސްޓްހޭމް ބަލިކޮށް ސިޓީ އިނގުރޭސި ޕްރީމިއަރ ލީގުގެ ތާވަލުގެ އެއްވަނައަށް އަރައިފިއެވެ. މިމޮޅާއެކު ސިޓީ އެންމެފަހުން ކުޅުނު 7 މެޗުންވެސް ވަނީ މޮޅުވެފައެވެ.

މެޗުގެ ފަސް މިނެޓު ތެރޭގައި ސިޓީއަށް ލީޑު ނަގައިދިނީ އެރްލިންގ ހާލަންޑެވެ. މިއީ މި ސީޒަނުގައި އޭނާ ކާމިޔާބުކުރި 24 ވަނަ ގޯލެވެ.ދެވަނަ ގޯލަކީ ރަޔާން ޗެރްކީ ވަރަށް ހުނަރުވެރިކަމާއެކު ބޯޅަ ހޯދައި، ހާލަންޑަށް ފޮނުވާލިއެވެ. ހާލަންޑް އެ ބޯޅަ ރައިންޑަރސްއަށް ދިނުމުން ޖެހި ގޯލެކެވެ.

Ad by Hajj Corporation

ދެވަނަ ހާފުގެ ފެށުމާއެކު ވެސްޓް ހޭމްގެ ފަރާތުން ނުރައްކާ ބޮޑުވެ، ޖިއަންލުއިގީ ޑޮންނަރޫމާއަށް ވަނީ މުހިންމު ދެ ސޭވްއެއް ޖެހިޖެހިގެން ކުރަން ޖެހިފައެވެ. ނަމަވެސް 69 ވަނަ މިނެޓުގައިސިޓީގެ ސަވީނިއޯ ފޮނުވާލި ބޯޅަ ރިކޯ ލެވިސް އަތްލުމަށް ފަހު ހާލަންޑަށް ލިބުމުން، އޭނާ ވަނީ މެޗުގައި ގޯލު ކާމިޔާބުކޮށް، ނަތީޖާ 3-0 އަށް ބަދަލުކޮށްފައެވެ.

ހާކަންޑް މިރޭ ޖެހި ދެގޯލާއެކު މި ސީޒަނުގައި އޭނާ ސިޓީއަށް ޖަހައިދިން ގޯލުގެ އަދަދު 25 އަށް ވަނީ އަރާފަވެ. މިރޭގެ މޮޅާއެކު 17 މެޗުން ހޯދި 37 ޕޮއިންޓާއެކު ސިޓީ ތާޗަލުގެ އެއްވަނައަށް އަރާފައިވާއިރު، އެއްމެޗު މަދުންކުޅެ ދެވަނައިގައި އާސެނަލް އޮތީ 36 ޕޮއިންޓާއެކީގައެވެ.