ކަރަންޓު ކެނޑުނުތާ، ދެ ގަޑިއިރަށް ވުރެ ގިނައިރު ފަހުން، ހުޅުމާލެ ފުރަތަމަ ފިޔަވައްސަށް އަލުން ކަރަންޓު ދީފިއެވެ.

ދިމާވި ޓެކްނިކަލް މައްސަލައަކާއި ގުޅިގެން ހުޅުމާލޭގެ ފުރަތަމަ ފިޔަވަހީގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވާކަން ސްޓެލްކޯއިން ހާމަކުރީ މިއަދު ހެނދުނު 09:30 ހާއިރުއެވެ.

Ad by Hajj Corporation

ދިމާވި މައްސަލަ ދެނަގަނެ ހައްލު ކުރުމަށް މަސައްކަތް ކުރަމުންދާކަމަށް ސްޓެލްކޯއިން އޭރު ބުނެފައިވާއިރު އޭގެ ގާތްގަނޑަކަށް ދެ ގަޑިއިރު ފަހުން ސްޓެލްކޯއިން ބުނެފައި ވަނީ ޕްލެޓިނަމް ރެސިޑެންސްގެ ބައެއް ކަސްޓަމަރުން ފިޔަވާ ހިދުމަތް މެދުކެނޑުނު ހުރިހާ ސަރަހައްދަކަށް މިހާރު ކަރަންޓު ދީފައިވާ ކަމަށެވެ.

ފާހަގަކުރެވޭ ގޮތުގައި، މިދިޔަ މަހު 26ގައި ވެސް، ހުޅުމާލޭގެ ފުރަތަމަ ފިޔަވަހީގެ ބައެއް ސަރަހައްދުތަކުން ކަރަންޓު ކެނޑިފައިވެއެވެ.