ޕްރޮޑިއުސަރާ މައްސަލަޖެހި، އަކްޝޭ ކަންނާ ފިލްމަކުން ވަކިވެއްޖެއެވެ.

'އިންޑިއާ ޓްޑޭ" ގައި ރިޕޯޓުކޮށްފައިވާ ގޮތުގައި އަކްޝޭ ކަންނާ ވަކިވެފައިވަނީ "ޑްރިޝިޔަމް 3" އިންނެވެ. އަދި އޭނާ އެ ފިލްމުން ވަކިވީ ބޮލުގައި ވިގެއް އަޅަން ޕްރޮޑިއުސަރ ގަބޫލުނުވުމުންނެވެ.

Ad by Hajj Corporation

އެ ނޫހުގައި ވަނީ މިއީ އަކްޝޭ އެ ފިލްމުގައި އަދާކުރާ ރޯލުގެ ސަބަބުން އޭނާ އަޅަން ބޭނުންވި ވިގެކެވެ. "ޑްރިޝިޔަމް 3" ގެ ޝޫޓިން ފަށަން ކުޑަ ދުވަސްކޮޅަކަށް ވެފައި އޮއްވާ އަކްޝޭގެ މި ނިންމުމާ ގުޅިގެން އެ ފިލްމުގެ ޕްރޮޑިއުސަރުންނާ ހަވާލާދީ 'އިންޑިއާ ޓްޑޭ' ގައި ބުނީ އަކްޝޭގެ އެދުމަށް އެއްބަސް ނުވެވުނީ "ޑްރިޝިޔަމް 3" ގެ މަންޒަރުތައް ފެށެނީ "ޑްރިޝިޔަމް 2" ނިމުނު ހިސާބުން ކަމަށްވާތީ، ފިލްމުގެ މަންޒަރުތަކުގެ ކޮންޓިނިއުޓީ އަށް އޭގެ އަސަރުކުރާނެތީއެވެ. އަދި ކުއްލިއަކަށް އަކްޝޭގެ އިސްތަށިގަނޑު ހުންނަ ގޮތް ބަދަލުވުމަކީ ކުރެވޭނެ ކަމެއް ނޫން ކަމަށް ވެސް ޕްރޮޑިއުސަރުންނާ ހަވާލާދީ ވަނީ ބުނެފައެވެ.

އެކަމަކު ވިގު ނާޅާ އެފިލްމު ކުޅެން އަކްޝޭ ކަންނާ ދެކޮޅު ހެދުމުން، ޕްރޮޑިއުސަރ ކުމާރު މަންގަތު ޕަތަކް ވަނީ ސެޓު ހެދުމަށާއި އެހެނިހެން ކަންކަމަށް ދިޔަ ޚަރަދުގެ ބަދަލު ހޯދުމަށް އަކްޝޭއަށް ލީގަލް ނޯޓިސް ފޮނުވާފައި ކަމަށް އެ ނޫހުގައި ބުނެފައިވެއެވެ.