ޕާކިސްތާނުގެ ކަރާޗީގެ ޖިންނާ އިންޓަރނޭޝަނަލް އެއަރޕޯޓް ކައިރީގައި ހިނގި ގޮވުމެއްގައި ޗައިނާގެ ރައްޔިތުން މަރުވެ، 10 ވަރަކަށް މީހުންނަށް އަނިޔާވެއްޖެއެވެ.

ޕާކިސްތާނުގައި ހުންނަ ޗައިނާގެ އެމްބަސީއިން އެކަން ސިފަކޮށްފައި ވަނީ "ޓެރަރިސްޓް ހަމަލާއެއް" ގެ ގޮތުގައެވެ.

Ad by Hajj Corporation

ޗައިނާ އެމްބަސީން ބުނެފައިވާ ގޮތުގައި މި ހަމަލާގައި ޒަޚަމްވީ މީހުންގެ ތެރެއިން ބައެއް މީހުން ވެސް މަރުވެފައިވާކަމަށް ބެލެވެއެވެ. ޒަޚަމް ވެފައި ވަނީ ގިނައިން ޕާކިސްތާން މީހުންކަމަށާއި، އެހެންކަމުން އަދި މި ހާދިސާގައި މަރުވި މީހުންގެ ޖުމްލަ އަދަދު ސާފެއް ނުވާކަމަށް ޗައިނާ އެމްބަސީން ބައިނަލްއަގްވާމީ މީޑިއާގައި ބުނެފަވެއެވެ.

އެމްބަސީއިން އިތުރަށް ބުނެފައިވަނީ މި ގޮވުން އަމާޒުކޮށްފައިވަނީ ޕާކިސްތާނުގެ ސިންދު ޕްރޮވިންސްގައި ކަރަންޓުގެ މަޝްރޫޢުއެއްގައި މަސައްކަތްކުރަމުންދިޔަ ޗައިނާގެ އިންޖިނިއަރުންގެ ގްރޫޕަކަށް ކަމަށެވެ.

ވަކިވެގެން ދިއުމަށް މަސައްކަތްކުރާ ބަލޫޗިސްތާން ލިބަރޭޝަން އާމީ (ބީއެލްއޭ) އިން މި ހަމަލާގެ ޒިންމާ ނަގާފައިވެއެވެ.

ފާއިތުވި އަހަރުތަކުގައި ބީއެލްއޭ އިން ވަނީ ޕާކިސްތާނުގެ މަޝްރޫޢުތަކުގައި މަސައްކަތްކުރާ ޗައިނާގެ ރައްޔިތުންނަށް ހަމަލާދީފައެވެ.