ތާޖް އެގްޒޯޓިކާ ރިޒޯޓު ކައިިރިއަށް ބަންޑުންޖަހާލި މުދާ އުފުލާ ދޯނިން ދަތުރުކުރި ހަތަރު މީހުންގެ ތެރެއިން ދެ މީހަކު ގެއްލިގެން ހޯދަމުން ދަނިިކޮށް، އެކަކު ނިޔާވެފައި އޮއްވާ ފެނިއްޖެއެވެ.

ނިޔާވެފައި އޮއްވާ ފެނިފައިވަނީ ދިވެއްސެކެވެ.

Ad by Hajj Corporation

ފުލުހުން ބުނި ގޮތުގައި "ބަލްމާ 6" ނަމަކަށް ކިޔާ މި ދޯނި ބަންޑުން ޖަހާލާފައިވާ ކަމުގެ މައުލޫމާތު ލިބިފައިވަނީ 2026 ޖެނުއަރީ 18 ވާ އާދީއްތަ ދުވަހުގެ ހެނދުނު 07:27 އެހައިކަންހާއިރުއެވެ. މި ހާދިސާ ހިނގިއިރު ދޯނީގައި ޖުމްލަ ހަތަރު މީހުން ތިއްބެވެ.

މި ހާދިސާގައި ދޯނިން ދަތުރުކުރި މީހުންގެ ތެރެއިން ދެ މީހަކު ވަނީ އެ ސަރަހައްދުން ދަތުރުކުރި އެހެން ދޯންޏަކަށް ނަގާފައެވެ. ނިޔާވި ދިވެހި މީހާގެ އިތުރުން ދެން ގެއްލިފައިވަނީ ބިދޭސީ މީހެކެވެ.

އޭނާ ހޯދުމުގެ މަސައްކަތް ދޯނި ބަންޑުން ޖަހާލި ސަރަހައްދުގައި ފުލުހުން މިހާރު ދަނީ ކުރަމުންނެވެ.