އައިޖީއެމްއެޗްގައި ފްލޫ ކްލިނިކްގެ ޚިދުމަތް ފަށައިފިއެވެ.

އުމުރާގެ އަޅުކަމުން އެނބުރި އަންނަ ފަރާތްތަކަށް ޚާއްޞަކޮށް ފްލޫ ކްލިނިކެއް މިހާރު ޤާއިމުކޮށްފައިވާ ކަމަށާއި، ކްލިނިކަށް އަންނަ ފަރާތްތަކުން ފުރަތަމަ ދާން ޖެހޭނީ އީ.އާރް ޓްރައިޖަށްކަމަށް އައިޖީއެމްޗުން ވަނީ ބުނެފައެވެ.

އަދި ކިއުބީ ޓޯކެން ސިސްޓަމްއިން ފުލޫ ކުލިނިކުގެ ޓޯކެން ނަމްބަރެއް ނެގުމަށްފަހު، ފުލޫ ކްލިނިކަށް ނުވަތަ އިމަޖެންސީ ރޫމަށް ވަޑައިގަތުމަށް ޓްރައޭޖްއިން އިރުޝާދު ދޭނެ ކަމަށް ވެސް އެ ހޮސްޕިޓަލުން މައުލޫމާތުދެއެވެ.

މީގެއިތުރުން އައިޖީއެމްއެޗްއިން ބުނީ މި ކްލިނިކުން ޑޮކްޓަރަށް ދެއްކުމާއި ލޭގެ ސާމްޕަލް ނެގުން ކޮންމެ ދުވަހެއްގެ ހެނދުނު 10:00 އިން ރޭގަނޑު 22:00 އަށް އެ ހޮސްޕިޓަލްގެ ކޮންސަލްޓޭޝަން ރޫމް ނަންބަރު 10 އިން ލިބޭނެ ކަމަށްށެވެ.

މި ދުވަސްވަރު ޢުމްރާގެ އަޅުކަމަށްފަހު ގިނަ ބަޔަކު އަނބުރާ ރާއްޖެ ދަނީ އަންނަމުނެވެ. އަދި ކޮންމެ އަހަރަކުވެސް މިފަދަ ދުވަސްވަރުތަކުގައި ނޭވާލުމުގެ ނިޒާމުން ފެތުރޭ ބަލިތައް އިތުރުވެއެވެ.