ނުތާހިރުކޮށް ކާބޯތަކެތި ތައްޔާރުކޮށް އެތަކެތީގެ ވިޔަފާރި ކުރަމުންދިޔަ 15 ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފައިވާ ކަމަށް އެއިދާރާއިން ބުނެފިއެވެ.

ރާއްޖޭގައި ގަވާއިދާ ޚިލާފަށް އުޅެމުންދާ ބިދޭސީން ހޯދުމަށް ފުލުހުންނާއި، ހެލްތު މިނިސްޓްރީން ބައިވެރިވެގެން ކުރިއަށްދާ މަސައްކަތުގެ ތެރެއިން މިހާތަނަށް ގިނަ އަދަދެއްގެ ބިދޭސީންތަކެއް އަތުލައިގަނެ އެފަރާތްތައް ވަނީ ޑީޕޯޓުކޮށްލާފައެވެ.

އެގޮތުން އިމިގްރޭޝަނުން ބުނީ، ގަވާއިދާ ހިލާފަށް އެއްވެސް ސާފުތާހިރުކަމެއް ނެތި، ބިދޭސީން ރާއްޖޭގައި ކުރަމުންދާ ވިޔަފާރިއަކާ ގުޅިގެން ޓާސްކު ފޯސް އަށް ލިބިފައިވާ މަޢުލޫމާތަކާއެކު، މި މަހުގެ 24 ވަނަ ދުވަހު ހ، ބިއަންކާ ބަލައި ފާސްކޮށްފައިވާ ކަމަށެވެ.

އަދި އެތަނުގައި ގަވާއިދާ ހިލާފަށް އުޅެމުންދާ 15 ބިދޭސީއަކު އިމިގްރޭޝަން ބެލުމުގެ ދަށަށް ގެނެވިފައިވާ ކަމަށާއި، އެތަނުގައި ކުރަމުން ދިއަ ވިޔަފާރި ހުއްޓުވުމަށް ނޯޓިސް ދީފައިވާ ކަމަށް އިމިގްރޭޝަނުން ވަނީ ބުނެފައެވެ.

އެގޮތުން ދާދިފަހުން ފުލުހުންނަށް ލިބުނު މައުލޫމާތަކާއި ގުޅިގެން އެއިދާރާއިން ކުރިއަށްގެންދިޔަ ރެއިޑެއްގައި ބުޅާ މަސް އަޅައިގެން ކާބޯތަކެތި ތައްޔާރުކުރާ މީހަކު ހައްޔަރުކޮށްފައިވެވެ. އޭނާގެ މައްޗަށް އެފަދަ ތުހުމަތުތަކެއް ކުރެވުނީ، މަގުމަތީގައި ގެންގުޅޭ ބުޅާތަކަށް ކާންދީ އެ ބުޅާތައް ބަލަހައްޓާ ވެލްފެއާ އޯގަނައިޒޭޝަނަކުން ސޯޝަލް މީޑިޔާގައި ކުރި ޕޯސްޓެއްގެ ސަބަބުންނެވެ.