ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒް އަލް ސައުދުގެ ފުއްޕާމޭގައި އިންފްލެމޭޝަން އުފެދި ފަރުވާ ހޯއްދަވަމުން ގެންދަވާ ކަމަށް ސައުދީ ނިއުސް އެޖެންސީ އިން ބުނެފިއެވެ. ރަސްގެފާނު ސަލްމާން އަށް ފުއްޕާމޭގެ އާލާސްކަންފުޅެއް ޖެހިފައިވާކަން އެނގުނީ މެޑިކަލް ޓެސްޓުތައް ހެދުމަށް ފަހުގައެވެ. އަދި އެމަނކުފާނަށް މިހާރު ޖިއްދާގައި ފަރުވާދެމުން އަންނަ ކަމަށްވެސް އެ ނޫހުންވަނީ ރިޕޯޓްކޮށްފައިވެއެވެ.

ރަސްގެފާނުގެ އާލާސްކަންފުޅާ ގުޅިގެން ވަލީއަހުދު މުހައްމަދު ބިން ސަލްމާން ޖަޕާނަށް ކުރައްވަން ތާވަލުކޮށްފައި އޮތް ދަތުރު މިހާރު ވަނީ ފަސްކުރައްވާފައެވެ. ޖަޕާނުގެ ޚާރިޖީ ވުޒާރާއިން ބުނީ މި ދަތުރު އަލުން ފަހުގެ ތާރީޚެއްގައި ހަމަޖެއްސުމަށް މަސައްކަތް ކުރާނެ ކަމަށެވެ.

ދަރިކަލުން މުހައްމަދު ބިން ސަލްމާން އާއި ސަލްމާން ބިން އަބްދުލްއަޒީޒް

ރަސްގެފާނު ސަލްމާން ވަނީ 2020 ވަނަ އަހަރުގައި ވެސް ސާޖަރީއެއް ހައްދަވާފަ އެވެ.