ސައުދީ އިން ޗައިނާއަށް ކުރަން ނިންމި ދަތުރު ފަސްކޮށްފިއެވެ. ޗައިނާގެ ޓޯކިއޯ އަށް ކުރުމަށް ހަމަޖެހިފައިވާ މި ދަތުރު ފަސްކޮށްފައިވަނީ ސައުދީ އަރަބިއްޔާގެ ވަލީއަހުދު އަދި ޑި ފެކްޓޯ ލީޑަރު މުހައްމަދު ބިން ސަލްމާންގެ ބައްޕާފުޅު ސަލްމާން ބިން އަބްދުލްއަޒީޒް އަލް ސައުދު އަށް ދިމާވި ފުއްޕާމޭގެ އާލާސްކަންފުޅާއި ގުޅިގެންނެވެ.

ޖަޕާނުގެ ޚާރިޖީ ވުޒާރާއިން ބުނީ މި ދަތުރު އަލުން ފަހުން ހަމަޖެއްސުމަށް މަސައްކަތް ކުރާނެ ކަމަށެވެ. ހޯމަ ދުވަހު ދެ ގައުމުގެ ހާރިޖީ ވަޒީރުން ވަނީ ފޯނު މެދުވެރިކޮށް މުޙާތަބުކުރައްވާފައެވެ. ޖަޕާނުގެ ޚާރިޖީ ވުޒާރާއިން ނެރުނު ބަޔާނެއްގައި ބުނެފައިވަނީ، ރަސްގެފާނަށް އަވަސް ޝިފާއަކަށް އެދިވަޑައިގަންނަވާ ކަމަށާއި، ޣައްޒާ އާއި ޔޫކްރެއިން ފަދަ އެތައް ކާރިސާތަކަކާ ދުނިޔެއަށް ކުރިމަތިވެފައިވާ ދަނޑިވަޅެއްގައި ސައުދީ ސަރުކާރާއި ގާތުން މަސައްކަތް ކުރައްވަން ބޭނުންފުޅުވާ ކަމަށެވެ.

Ad by Hajj Corporation

މި ދަތުރު ވީހާވެސް އަވަހަކަށް އަލުން ހަމަޖައްސަން ބޭނުން ކަމަށް ދެ ގައުމުގެ ވަޒީރުން ވެސް ވަނީ އަންގަވާފައެވެ

ގަލްފުގައި ޗައިނާގެ އެންމެ ބޮޑު ވިޔަފާރީގެ ބައިވެރިޔަކީ ސައުދީ އަރަބިއާއެވެ. 2024 ވަނަ އަހަރު ބަންޑާރް އަލް ޚޮރައިފް އިސްވެ ހުންނަވައިގެން އިރުމަތީ އޭޝިއާއަށް ކުރެއްވި ދަތުރުފުޅުގައި އޮޓޯމޯޓިވް އަދި އޮޓޮމޭޝަން ދާއިރާއިން ޗައިނާގެ ކުންފުނިތަކާ އެކު ގުޅުން ބަދަހިކުރުމަށް ސައުދީ އަރަބިއްޔާއިން ވަނީ ހުށައަޅާފައެވެ.