ސައުދީ އަރަބިއްޔާގެ ރަސްގެފާނު 'ސަލްމާން ބިން އަބްދުލްއަޒީޒް އަލް ސައުދުގެ' ރޯދަވީއްލުމުގެ ޕްރޮގްރާމާއި މޮޅު ކަދުރު ހަދިޔާކުރުމުގެ މަޝްރޫއު ރާއްޖޭގައި ރަސްމީކޮށް އިފްތިތާހުކޮށްފިއެވެ.

މި މަޝްރޫއު އިފްތިތާހުކުރެއްވީ މިއަދު ހަވީރު 17:30 ގައި އިސްލާމީ މަރުކަޒުގައި ބޭއްވި ހާއްސަ ރަސްމިއްޔާތެއްގައި އިސްލާމީ ކަންތައްތަކާ ބެހޭ ވަޒީރު ޑޮކްޓަރ ޝަހީމް އަލީ ސައީދުއެވެ.

މި މަޝްރޫއުގެ ދަށުން ރޯދަމަހުގެ ކޮންމެ ދުވަހަކު 150 މީހުންނަށް ރޯދަވީއްލުން ފޯރުކޮށްދިނުމަށް ވަނީ ހަމަޖެހިފައެވެ. ސައުދީ އަރަބިއްޔާގެ އެމްބަސީން އިންތިޒާމުކުރާ މި ހަރަކާތަކީ ދެ ގައުމުގެ ދެމެދުގައި އޮތް ގާތް ގުޅުން ރަމްޒުކޮށްދޭ ކަމެއް ކަމުގައި ވަޒީރު ޝަހީމް ފާހަގަ ކުރެއްވިއެވެ.

Ad by Hajj Corporation

މި ހަރަކާތްތަކަކީ ކޮންމެ އަހަރަކުވެސް ރޯދަމަހާ ދިމާކޮށް ސައުދީ ސަރުކާރުން ރާއްޖޭގައި ކުރިއަށްގެންދާ ހަރަކާތެކެވެ.

މިއަދުގެ ރޯދަ ވީއްލުމުގައި ބައިވެރިވުމަށް އިސްލާމީ މަރުކަޒަށް ގިނަ އަދަދެއްގެ ބަޔަކު ވަނީ ޖަމާވެފައެވެ.