އެސްޓީއޯ އިން ވިއްކާ ތެލުގެ އަގަށް ބަދަލު ގެނެސްފިއެވެ.

އެސްޓީއޯ އިން ބުނީ މި ބަދަލު ގެނައީ މިހާރު ކުރިއަށްދާ ހަނގުރާމައިގެ ސަބަބުން ދުނިޔޭގެ ބާޒާރުގައި ތެލުގެ އަގު އުފުލުމާއެކުގައި ކަމަށެވެ.

Ad by Hajj Corporation

އެގޮތުން މީގެ ކުރިން ޕެޓްރޯލް ލީޓަރެއް 13.50 ރުފިޔާއަށް ވިއްކަމުންދިޔަ ނަމަވެސް، ދެން ޕެޓްރޯލު ލީޓަރެއް ލިބޭނީ 16.01 ރުފިޔާއަށެވެ. އެއީ 2.51 ރުފިޔާގެ ބޮޑުވުމެކެވެ.

ޑީސަލް ލީޓަރެއް މިހާރު 13.92 ރުފިޔާއަށް ވިއްކަމުންދިޔަ ނަމަވެސް، ދެން ޑީސަލް ލީޓަރެއް އެސްޓީއޯ އިން ވިއްކާ އަގަކީ 17.54 ރުފިޔާއެވެ. އެއީ 3.62 ރުފިޔާގެ ބޮޑުވުމެކެވެ.

މިހާރު ކުރިއަށްދާ ހަނގުރާމައިގެ ތެރެއިން ތެލުގެ ވިޔަފާރިކުރާ ތަންތަނަށް ވެސް ވަނީ މިސައިލު ހަމަލާތަައް އަމާޒުވެފައެވެ. އޭގެ އިތުރުން ހަނގުރާމައިގައި އެންމެ ބޮޑަށް އަސަރުކުރާ ގައުމުތަކުގެ ތެރޭގައި ހިމެނެނީ ފުޅާ ދާއިރާއެއްގައި ތެލުުގެ ވިޔަފާރިކުރާ ގައުމުތަކެވެ.