ޕިކަޕަކުން ސައިކަލެއްގައި ޖެއްސިކަމުގެ ތުހުމަތުގައި މީހަކު ހައްޔަރުކޮށްފި އެވެ.

މި މައްސަލައިގެ ތުހުމަތުގައި ހައްޔަރުކުރީ ގއ. ވިލިނގިލި، ފަހި، ޒަރީރު ހަސަން (60އަހަރު) އެވެ.

އޭނާއަށް ކުރަނީ ނުރައްކާތެރިކޮށް ދުއްވައިގެން އެއްގަމު އުޅަނދު އެކްސިޑެންޓްވުމުގެ ތުހުމަތެވެ. މި މައްސަލައިގައި އޭނާގެ ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން ދިން ބަންދުގެ މުއްދަތު ހަމަވާނީ މިމަހުގެ 10 ވަނަ ދުވަހަށެވެ.

މި މައްސަލައިގައި ހެކި ގަރީނާގެ ގޮތުގައި ސީނަށް ދިޔަ ފުލުހުންގެ ހާދިސާގެ ރިޕޯޓާއި ސީން ހިނގި ސަރަހައްދުގެ ސީސީޓީވީ ފުޓޭޖު ސްނެޕް ޝޮޓްތައް ހުށަހަޅާފައިވެ އެވެ.

ކޯޓުގައި އައިއޯ ބުނީ ޒަރީރު ހަސަން ދުއްވަމުންދިޔަ ޕިކަޕް ކުއްލިއަކަށް ސައިކަލް ލޭނާއި ދިމާލަށް ދުއްވައި އަނިޔާ ލިބުނު މީހާ ދުއްވަމުންދިޔަ ސައިކަލުގައި ގަސްދުގައި ޖެއްސުމުގެ ސަބަބުން އަނިޔާ ލިބުނު މީހާއަށް އެކިވަރުގެ ގެއްލުން ލިބިފައިވާ ކަމަށެވެ.

Ad by Hajj Corporation