އިސްލާމު ދީނަށް ފުރައްސާރަކޮށް ސޯޝަލްމީޑިއާގައި ވާހަކަދައްކަމުން ދިޔަ މީހަކު ފުލުހުން ތަހުގީގަށް ހާޒިރުވުމަށް ހޯދަން އިއުލާންކޮށްފިއެވެ.

ދިވެހި ފުލުހުންގެ ޚިދުމަތުން ފޮޓޯއާއި ވަނަވަރު އާންމުކޮށް ތަހުގީގަށް ހާޒިރުވާން އެންގީ ނ. ކުޑަފަރި، ހިޔަލީގެ، ހުސައިން ޔޫސުފް (44އަހަރު) އެވެ.

ފުލުހުންގެ ޚިދުމަތުން ބުނި ގޮތުގައި އޭނާ ހާޒިރުކުރަނީ އިސްލާމްދީނަށް ތައުހީނުކޮށް ފުރައްސާރަކުރުމާއި ދިވެހި ރައްޔިތުންގެ އެއްބައިވަންތަކަން ނަގާލަން މަސައްކަތްކުރުމާއި މީހުންގެ މެދުގައި ދީނީ ގޮތުން ބައިބައިވުން އުފެދޭ ބާވަތުގެ ވާހަަކައާއި އިސްލާމްދީނުގެ އަސްލުތަކާ ގުޅޭ ގޮތުން ދޮގު މައުލޫމާތު، ސޯސަލް މީޑިއާގެ ޕްލެޓްފޯމް ޓިކްޓޮކް މެދުވެރިކޮށް ފެތުރިކަމަށް ތުހުމަތު ކުރެވޭ މައްސަލައެއްގެ ތަހުގީގަށެވެ.

ނަމަވެސް އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ކަމަށްވެސް ފުލުހުންގެ ޚިދުމަތުން ބުންޏެވެ.

މި މައްސަލައިގައި ތަހުގީގަށް ތުހުމަތުގައި ސުވާލުކުރުމަށް މިމަހުގެ 18 ވަނަ ދުވަހުގެ މެންދުރު 12:00 އަށް ފުލުހުންގެ ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގްއަށް ހާޒިރުވުމަށް ފުލުހުން ވަނީ ހުސައިން ޔޫސުފަށް އަންގާފައެވެ.

Ad by Hajj Corporation