ކަނޑުމަގުން ރާއްޖެ އެތެރެކުރަން އުޅުނު ގިނަ އަދަދެއްގެ ސިނގިރޭޓް، މޯލްޑިވްސް ކަސްޓަމްސް ސަރވިސްއިން އަތުލައިގެންފިއެވެ.

މޯލްޑިވްސް ކަސްޓަމްސް ސަރވިސްއިން ބުނިގޮތުގައި މި ތަކެތި އަތުލައިގެންފައިވަނީ، މިމަހުގެ 5 ވަނަ ދުވަހު މާލޭ ކޮމަރޝަލް ހާބަރުންނެވެ. މި ޝިޕްމަންޓުގައި 99،000 ސިނގިރޭޓް ސްޓިކް ހިމެނޭކަމަށް ކަސްޓަމްސުން ބުނެއެވެ.

Ad by Hajj Corporation

މިދިޔަ ދޮޅުމަސްތުވަހުގެ ތެރޭގައި ގަވާއިދާ ޚިލާފަށް ރާއްޖެ އެތެރެކުރަން އުޅުނު 2 މިލިއަން ސިނގިރޭޓު ކަސްޓަމްސްއިން އަތުލައިގެންފައި ވެއެވެ.

މި ސަރުކާރުން ވަނީ، ދުޅަހެޔޮ މުޖުތަމަޢެއް ބިނާކުރުމަށްޓަކައި ސިނގިރޭޓް ފަދަ ސިއްހަތަށް ގެއްލުންހުރި ބާވަތްތައް ވީހާވެސް މަދުކުރުމަށްޓަަކައި ހަރުކަށި ފިޔަވަޅުތަކެއް އަޅަމުންނެވެ.