ސަލާމަތީ ސަބަބުތަކަށްޓަކާ އެކުވެރި އަރަބި އިމާރާތް (ޔޫއޭއީ) ގެ ވައިގެ ސަރަހައްދު ބަންދުކޮށްފިއެވެ.

ބޭރުގެ ޚަބަރުތަކުން ބުނާ ގޮތުގައި އެގައުމުގެ ވައިގެ ސަރަހައްދު އެއްކޮށް ބަންދުކުރުމަށް މިހާރުވަނީ ނިންމާފައެވެ. މިއީ އީރާނުގެ ހަމަލާތަކާ ގުޅިގެން އެޅި ފިޔަވަޅެއް ކަމަށް ވެސް ބުނެއެވެ.

Ad by Hajj Corporation

ޔޫއޭއީ ގެ ޖެނެރަލް ސިވިލް އެވިއޭޝަން އޮތޯރިޓީން ވެސް މިކަން ކަށަވަރުކޮށްދީފައިވާއިރު، އެ ގައުމުގެ ވައިގެ ސަރަހައްދު ވަގުތީ ގޮތުން އެއްކޮށް ބަންދުކޮށްފައިމިވަނީ އުދުހުންތަކާއި ފަޅުވެރިންގެ ސަލާމަތާއި ރައްކާތެރިކަން ކަށަވަރުކުރުމުގެ ގޮތުން ކަމަށް ބުނެއެވެ.

މިފިޔަވަޅު އަޅާފައިވާއިރު، އެމެރިކާ އާއި އިސްރާއީލުން އީރާނަށް ދެމުންދާ ހަމަލާތަކުގެ ދިފާއުގައި އީރާނުން ވެސް ދަނީ ހަމަލާތަކަށް ރައްދު ދެމުންނެވެ. އެގޮތުން އަވަށްޓެރި ގައުމުތަކުގައި ހުރި އެމެރިކާގެ އަސްކަރީ ބޭސްތަކަށް އީރާނުގެ ހަމަލާތައް ވަނީ އަމާޒުކޮށްފައެވެ.