ކުރިއަށް އޮތް ލޯކަލް ކައުންސިލް އިންތިޚާބާއި، އަންހެނުންގެ ތަރައްދާއަށް މަސައްކަތްކުރާ ކޮމެޓީތަކުގެ އިންތިޚާބު، އަދި ރިފަރެންޑަމް ވޯޓުގެ ކުރިން، އައްޑޫ ހުޅުދޫގައި ސަރުކާރު ހިންގާ މައި ޕާޓީ، ޕީއެންސީއަށް އޮތް ތާޢީދު ދައްކާލުމުގެ ގޮތުން ބާއްވާ އުޅަނދު ބުރެއް، މިއަދު ހަވީރު އެރަށުގައި ބޭއްވުމަށް ނިންމައިފިއެވެ.

މި އުޅަނދު ބުރު ފެށޭނީ މިއަދު ހަވީރު 16:00 ގައި ހުޅުދޫ ބަނދަރުންނެވެ. އަދި، މި ހަރަކާތުގައި ދާއިރާގެ މަޖިލީސް މެންބަރު، މުޙައްމަދު ޝާހިދު (ޝާޑު) ވެސް ބައިވެރިވެވަޑައިގަންނަވާނެއެވެ. މި ހަރަކާތަކީ، ކުރިއަށް އޮތް އިންތިޚާބުތަކުގައި ޕީއެންސީ ކެންޑިޑޭޓުންނަށް ހުޅުދޫގައި އޮތް ތާޢީދު ދައްކުވައިދިނުމުގެ އިތުރުން، ރައްޔިތުންގެ މަޖިލީސް އިންތިޚާބާއި ރިޔާސީ އިންތިޚާބު އެއްކޮށްލުމަށް އެރަށު ރައްޔިތުން ތާޢީދުކުރާކަން ހާމަކޮށްދިނުމަށް ބާއްވާ ހަރަކާތެކެވެ.

Ad by Hajj Corporation

ޕީއެންސީގެ ލީޑަރޝިޕުން އަންނަނީ، މި އިންތިޚާބުތަކާ ދިމާކޮށް، މިފަދަ އެތައް ހަރަކާތެއް ރާވާ، ހިންގަމުންނެވެ.