މާދަމާ އިން ފެށިގެން މުޅި ރާއްޖެއަށް ވިއްސާރަ ކުރާނެ ކަމަށް މޫސުމާ ބެހޭ ޤައުމީ އިދާރާއިން ބުނެފިއެވެ.

އެ އިދާރާ އިން ބުނީ ރާއްޖޭގެ ހުރިހާ ހިސާބަކަށްވެސް ވިއްސާރަވާނެކަމަށެވެ. ޚާއްސަކޮށް މެދުރާއްޖެތެރެއާއި އުތުރަށް ވިއްސާރަވާނެކަމަށާއި ދެކުނަށްވެސް ކެރީގެ އަސަރު ކުރާނެ ކަމަށެވެ. އަދި ހަފުތާ ބަންދުގައިވެސް ރާއްޖޭގެ އެކި ހިސާބުތަކަށް ކެރީގެ އަސަރު ކުރާނެއެވެ.

Ad by Hajj Corporation

ރާއްޖެއަށް ވިއްސާރަކުރިނަމަވެސް، ވައި މަޑުވެފައި ކަނޑުތައްވެސް މަޑުވާނެ ކަމަށް މޫސުމާއިބެހޭ ގައުމީ އިދާރާ އިން ބުނެއެވެ. އާއްމުގޮތެއްގައި ވައި ޖެހޭނީ 3 މެލާ 15 މޭލާ ދެމެދުގެ ބާރުމިނުގައި ކަމަށާއި ވިލާގަނޑުގައި 30 މޭލަށް ވައި ގަދަވުން އެކަށީގެންވާކަމަށް ވަނީ ބުނެފައެވެ.

ވިލާގަނޑުގައި ވަޔާއި ކަނޑު ގަދަވުން އެކަށީގެންވާ ކަމަށާއި ރާއްޖޭގެ ހުރިހާ ހިސާބުތަކަށްވެސް ގުގުރުމުގެ އަސަރު ކުރާނެކަމަށް ބެލެވޭކަމަށް އެ އިދާރާ އިން ބުނެއެވެ. ރާއްޖެއަށް ހުޅަނގު މޫސުން ފެށޭނީ އަންނަ މޭ މަހުގެ ފަހުކޮޅުގައެވެ.