މޯލްޑިވްސް އެއާޕޯޓްސް ކޮމްޕެނީ ލިމިޑެޓް (އެމްއޭސީއެލް)ގެ ޑެޕިއުޓީ މެނޭޖިން ޑިރެކްޓަރު (ޑީއެމްޑީ)ގެ މަގާމުން މުހައްމަދު ލަމްއާން އިސްތިއުފާ ދެއްވައިފިއެވެ.

މުޙައްމަދު ލަމްއާން އެ ކުންފުނީގެ ޑީއެމްޑީގެ މަގާމުން އިސްތިއުފާ ދެއްވާފައިވަނީ މިއަދުއެވެ.

Ad by Hajj Corporation

އޭނާ އިސްތިއުފާދެއްވުމާ ގުޅިގެން އެމްއޭސީއެލްއިން ވަނީ، މުޙަންމަދު ލަމްއާންގެ އިޚްލާޞްތެރި ލީޑާޝިޕަށާއި، އެ ކުންފުނީގެ ކުރިއެރުމަށް ގެންގުޅުއްވި ތަޞައްވުރަށް ޝުކުރު އަދާކޮށްފައެވެ. އޭނާގެ މޭސްގެރިކަމުގެ ދަށުން ގެނެސްދެއްވި ހެޔޮ ބަދަލުތަކާއި ހަރުދަނާ އިރުޝާދުގެ ސަބަބުން ވަރަށް މުހިންމު އަދި ދެމެހެއްޓެނިވި އަސަރު ފޯރާފައިވާ ކަމަށް އެ ކުންފުނިން ބުންޏެވެ.

އަދި ކުރިއަށް އޮތް ޗެޕްޓަރުގައި ތިޔަބޭފުޅުންނަށް ކާމިޔާބީއަށް އެދެމެވެ.

ލަމްއާން މަގާމުން އިސްތިއުފާ ދެއްވުމުން އެމްއޭސީއެލްގެ ޑީއެމްޑީގެ މަގާމުގައި ދެން ހުންނަވާނީ މުޖްތަބާ ލަތީފް އެކަންޏެވެ.

އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރުގެ މަގާމަށް ލަމްއާން އައްޔަނު ކުރައްވާފައިވަނީ 2024 ވަނަ އަހަރުގެ ކުރީކޮޅުއެވެ.

ލަމްއާން ވަނީ މީގެކުރިން ކުރީގެ ރައީސް އަބްދުﷲ ޔާމީންގެ ވެރިކަމުގައި ފެނަކައިގެ މެނޭޖިން ޑިރެކްޓަރުގެ މަގާމުވެސް އަދާކުރައްވާފައެވެ.