މި ސަރުކާރުގައި 7،000 ސިޔާސީ ވަޒީފާތައް ހުރި ވާހަކަ ހީނާ ދޮގުކުރައްވައިފި

ރައީސް އޮފީހުގެ ތަރުޖަމާނު ހީނާ ވަލީދު -- ފޮޓޯ/ރައީސް އޮފީސް
.jpg&w=3840&q=75)
15 އޮކްޓޯބަރު 2024 - 13:05
މި ސަރުކާރުން 7،000 އަށް ވުރެ ގިނަ ސިޔާސީ ވަޒީފާ ދީފައިވާ ކަމުގައި ބުނެ ފަތުރަމުންދާ ވާހަކަތައް، ރައީސް އޮފީހުގެ ތަރުޖަމާނު ހީނާ ވަލީދު ދޮގުކުރައްވައިފިއެވެ.
އެ ވާހަކަތައް ހީނާ ދޮގު ކުރެއްވީ މި ސަރުކާރުން 7،000 އަށް ވުރެ ސިޔާސީ ވަޒީފާ އުފެއްދި ކަމަށް ބުނެ، ރާއްޖޭގެ ނޫހަކުން ކުރި ރިޕޯޓަކާ ގުޅިގެންނެވެ.
އެގޮތުން އެކަމަށް އިޝާރަތްކުރައްވަމުން އެކްސްގައި ކުރެއްވި ޕޯސްޓެއްގައި ހީނާ ވިދާޅުވީ، މިދިޔަ އަހަރުގެ ފަހު ކުއާޓަރަށް ވުރެ، މި އަހަރުގެ ފަހު ކުއާޓަރުގައި ވެސް ސަރުކާރު ކުންފުނިތަކުގެ މުވައްޒަފުންގެ އަދަދު މަދުވެފައިވާކަން ޕީސީބީން ހާމަކޮށްފައިވާ ހިސާބުތަކުން އެނގޭ ކަމަށެވެ.
އަދި އެފަދަ ދޮގު ޚަބަރުތައް ލިޔަނީ، ޚަރަދު ކުޑަކުރުމަށާއި، މިދިޔަ ސަރުކާރުން ގައުމު ވައްޓާލި ދަރަނީގެ އަނދަވަޅުން ގައުމު ސަލަމާތް ކުރުމަށް ރައީސް ޑރ. މުޙައްމަދު މުޢިއްޒު ކުރައްވާ މަސައްކަތްޕުޅު ދިވެހީން ބަލައިގަންނާތީ ކަމަށާއި، އެފަދަ މަސައްކަތްތައް ކުރަނީ ކަމުގެ ހަގީގަތް އޮޅުވާލުމަށް ކަމަށް ވެސް ހީނާ ވިދާޅުވިއެވެ.
ހީނާ ވިދާޅުވީ، ޚިޔާލަށް އަންނަހާ ވާހަކައެއް، އެއްވެސް ހަގީގަތެއް ބަލައިލުމެއް ނެތި ފެތުރުމަކީ ޒިންމާދާރު ނޫސްވެރިކަމެއް ނޫން ކަމަށެވެ.
ހީނާ އެފަދައިން ވިދާޅުވިއިރު، ސަރުކާރުގެ ޚަރަދު ކުޑަކުރުމަށްޓަކައި، 288 ސިޔާސީ މުވައްޒަފަކު ވަކިކުރުމަށް ރައީސް ޑރ. މުޙައްމަދު މުޢިއްޒު މިއަދު ވަނީ ނިންމަވާފައެވެ.
އިތުރު ލިޔުންތައް

ސަރުކާރުގެ އިދާރާތަކުގެ އިންސާނީ ވަޞީލަތް ތަރައްޤީކުރަން ރައީސް އިސްކަމެއް ދެއްވާ: ނައިބް ރައީސް
7 މަސް ކުރިން
ކްލަބް މޯލްޑިވްސްގެ މި ސީޒަން ހުޅުވައިދެއްވާނީ ނައިބު ރައީސް
7 މަސް ކުރިން
މި ސަރުކާރުގެ އެންމެ ބޮޑު އަމާޒަކީ ފުރަތަމަ ރާއްޖެ ސިޔާސަތު: ނައިބް ރައީސް
7 މަސް ކުރިން