ފޯޅަވަހި ހިމެނޭ ސަރަޙައްދަށް ރިކްޓަރ މިންގަނޑުން 5.4 މެގްނިޓިއުޑްގެ ބާރުމިނުގައި ބިންހެލުމެއް އައިސްފިއެވެ.

މޫސުމާ ބެހޭ ޤައުމީ އިދާރާ (މެޓް އޮފީސް) އިން މަޢުލޫމާތު ދެއްވި ގޮތުގައި، މި ބިންހެލުން ލޮޅުން އަރާފައިވަނީ މިއަދު އިރުއޮއްސި 18:01 ހާއިރުއެވެ. މި ހާދިސާ ހިނގާފައިވަނީ އައްޑޫ ސިޓީއާ ގާތްގަނޑަކަށް 933 ކިލޯމީޓަރު ދުރުމިނުގައިވާ ސަރަޙައްދަކަށް ކަމަށް އެ އިދާރާއިން ފާހަގަކުރެއްވިއެވެ.

Ad by Hajj Corporation

މެޓް އޮފީހުން އިތުރަށް ވިދާޅުވީ، 5.4 މެގްނިޓިއުޑްގެ މި ބިންހެލުމުގެ ސަބަބުން ދިވެހިރާއްޖެއަށް އެއްވެސް ކަހަލަ ސީދާ ނުރައްކަލެއް ކުރިމަތިވެދާނެ ކަމަށް ނުބެލެވޭ ކަމަށެވެ.

ކަނޑާއި އެއްގަމުގެ ލޮޅުންތައް މެދުނުކެނޑި މޮނިޓަރ ކުރަމުންދާ ކަމަށާއި، ރާއްޖެއަށް އެއްވެސް ނުރައްކަލެއް ކުރިމަތިވެދާނެ ފަދަ ޙާލަތެއް މެދުވެރިވެއްޖެނަމަ، ލަސްކުރުމެއް ނެތި އެ މަޢުލޫމާތު ރައްޔިތުންނަށް ފޯރުކޮށްދޭނެ ކަމުގެ ޔަޤީންކަން މޫސުމާ ބެހޭ އިދާރާއިން ވަނީ ދެއްވާފައެވެ.