އިންޑޮނޭޝިއާގެ އެންޑެ ސަރަހައްދަށް އައި ބިންހެލުމުގެ އަސަރު ރާއްޖެއަށް ނުކުރާނެ ކަމަށް މޫސުމާބެހޭ ޤައުމީ އިދާރާއިން ބުނެފިއެވެ.

މި ހާދިސާއާ ގުޅިގެން އެ އިދާރާއިން ނެރުނު ބަޔާނުގައިވަނީ، އިންޑޮނޭޝިއާގެ ސަރަޙައްދަށް އައި ބިންހެލުމުގެ ސީދާ ނުރައްކާ ރާއްޖެއަށް ނުކުރާނެ ކަމަށެވެ. އެ އިދާރާއިން ބުނީ، ރޭ ދަންވަރު 2:58 ހާއިރު އިންޑޮނީސިއާގެ ސަރަޙައްދަށް ބިންހެލުން އައިސްފައިވަނީ، 7.6 މެގްނިޓިއުޓުގެ ބާރުމިނުގައި ކަމަށެވެ.

Ad by Hajj Corporation

މެޓް އޮފީހުން ބުނިގޮތުގައި ބިންހެލުން އައިސްފައިވާ ސަރަޙައްދަކީ މާލެއާއި 5482 ކިލޯމީޓަރު ދުރުގައި އޮތް ސަރަޙައްދެއް ކަމަށެވެ.

އިންޑޮނޭޝިއާ އަށް އޮގަސްޓު 15 ވަނަ ދުވަހުގެ ފަތިހުގެ ވަގުތުގައި އައި މި ބިންހެލުމުގައި 20 މީހުން ވަނީ މަރުވެފައެވެ.ބިންހެލުމާ ގުޅިގެން އެއް މީޓަރަށް ވުރެ ކުދި ސުނާމީއެއްގެ ރާޅުތައް އުފެދުނު ނަމަވެސް، ތިން ގަޑިއިރަށްފަހު ސުނާމީގެ އިންޒާރު ވަނީ އުވައިލާފައެވެ.