ޢާންމުންނަށް އުނދަގޫވާ ގޮތަށް މާލޭގެ ކެފޭ ރެސްޓޯރަންޓްތަކުގައި، ހަރުކޮށްފައި ހުރި ދުންހޮޅިތަކުގެ މައްސަލަ ދިރާސާކޮށް، އެ ކަމަށް، ދާއިމީ ހައްލެއް ހޯދުމަށް މާލެ ސިޓީ ކައުންސިލުން ނިންމައިފި އެވެ.

މަލޭ ސިޓީ ކައުންސިލުން ބުނީ މިކަމާ ގުޅިގެން ކައުންސިލުގެ ބައްދަލުވުމުގައި މަޝްވަރާކުރުމަށް ފަހު ކައުންސިލުންގެ އާބަން ޕްލޭނިންގް ކޮމެޓީ އަށް މިމައްސަލަ އިތުރަށް ދިރާސާ ކުރުމަށް ފޮނުވާފައިވާ ކަމަށެވެ. މަލޭ ސިޓީ ކައުންސިލުން ބުނީ މާލޭގެ ލޭންޑްސްކޭޕް އަލުން ފަރުމާކޮށް ތަރުތީބު ކުރަމުންދާއިރު، މިއީ ކޮންމެހެން މަޝްވަރާކޮށް ގޮތްތަކެއް ނިންމަންޖެހިފައިވާ މުހިންމު ކަމެއް  މައްސަލައެއް ކަމަށެވެ.

Ad by Hajj Corporation

ކެފޭތަކުން ބޭރުވާ ދުމުގެ ސަބަބުން މަގު ހިނގާބިނގާވެ އުޅޭ މީހުންނަށާއި، ކައިރީގައި ދިރިއުޅޭ ޢާންމުންނަށް ބޮޑެތި އުނދަގޫތަކެއް ކުރިމަތިވަމުންދާ ކަމަށްް ވެސް ސިޓީ ކައުންސިލުން މައުލޫމާތުދެ އެވެ. މާލޭގެ ގިނަ ސަރަހައްދުތަކެއްގައި ހިންގާ ކެފޭ ރެސްޓޯރަންޓްތަކުގެ ދުންހޮޅިތައް ހުންނަނީ، މަގުމައްޗަށް ދުން ބޭރުވާ ގޮތަށް ނުވަތަ މީހުން ދިރިއުޅޭ އިމާރާތްތަކުގެ ކުޑަދޮރުތަކާ ދިމާއަށް ކަމަށްވާތީ، ޢާންމުންގެ މި ކަމުގެ ޝަކުވާ ބޮޑުވާ ކަމަށް ވެސް ކައުންސިލުން ބުނެ އެވެ.

މާލޭ ސިޓީ ކައުންސިލުން ވަނީ ކުދީނާ ގޯޅީގައި ހުންނަ ބްރިސްޓްރޯ ކެފޭގެ ދުންހޮޅިން ޒިކުރާ މިސްކިތަށް ހުކުރު ދުވަހު ދުމުގެ އަސަރުކުރާތީ ބަންދުކޮށްފަ އެވެ. ސިޓީ ކައުންސިލުން ބުނީ އެ ކެފޭ ބަނދުކުރަން ޖެހުނީ ތަކުރާރުކޮށް އެ ކެފޭގެ ދުންހޮޅިން މިސްކިތަށް ދުމާއި ވަސް ވަންނާތީ އެ ދުންހޮޅި ރަނގަޅުކުރުމަށް ކައުންސިލްގެ ކޮމިއުނިޓީ އެންގޭޖްމަންޓް ޔުނިޓުން ނަސޭހަތް ދިނުމުން ވެސް ރަނގަޅު ނުކުރުމުން ކަމަށެވެ. ސިޓީ ކައުންސިލުންބުނީ ހުކުރު ނަމާދަށްދިޔަ މީހުންނަށް އުނދަގޫވާ ވަރަށް ކައްކާ ވަހާއި ދުމުގެ އަސަރު ކޮށްފައިވާ ކަމަށާއި ސިޓީ ކައުންސިލް މުވައްޒަފުން ކެފޭއަށް ވަނުމުން އެތަނުގައި ހިދުމަތް ހޯދަން ތިބި ބިދޭސީންނާއި ކައްކަން ތިބި ބިދޭސީންގެ ތެރެއިން ގިނަ މީހުން އެތަނުން ފިލާފައިވާ ކަމަށެވެ.