ރާއްޖޭގެ މިނިވަންކަމާއި ސަލާމަތަށްޓަކައި ރާއްޖޭގެ ކަނޑުގެ ސަރަހައްދު ދިފާއު ކުރުމަށް ބޭރުން އަންނަ ނުރައްކާތަކަށް ސަމާލުވާންޖެހޭ  ކަމަށް ޗީފް އޮފް ޑިފެންސް ފޯސް މޭޖަ ޖެނެރަލް އިބްރާހިމް ހިލްމީ ވިދާޅުވެއްޖެ އެވެ.

Ad by Hajj Corporation

ހިލްމީ މި މޭރުމުން ވާހަކަ ދައްކަވާފައި ވަނީ އޮސްޓްރޭލިއާ ސަރުކާރުން ރާއްޖެ އަށް ހަދިޔާކުރި މަނަވަރާ ދިވެހި ސަރުކާރުން ރަސްމީކޮށް ހަވާލުވުމަށް ބޭއްވި ހަފުލާގައެވެ. ޗީފް އޮފް ޑިފެންސް ފޯސް ވިދާޅުވީ ރާއްޖޭއިން ބޭރުގެ ކަނޑުތަކަށް އަންނަ ނުރައްކާތައް މިހާރު ބޮޑުވެފައިވާ ކަމަށާއި އަދި އެ ނުރައްކާތައް ރާއްޖޭގެ އެތެރެ އަށް ވެސް އަންނަމުންދާ ކަމަށެވެ. މިކަމަށްޓަކައި ހަމައެކަނި ރާއްޖޭގެ ކަނޑުތަކުގެ އެތެރެ ސަރަހައްދަށް ސަމާލުކަންދީގެން ތިބެވެން ނެތް ކަމަށް ހިލްމީ ފާހަގަ ކުރެއްވެވި އެވެ.

މޭޖަ ޖެނެރަލް ހިލްމީ ވިދާޅުވީ ދިވެހިރާއްޖޭގެ މިނިވަންކަމާއި ސަލާމަތަށް ނުރައްކާތެރިވާ ކަންކަން ކުރަމުން އަންނަ މީހުންނާއި އުޅަނދުފަހަރާ ކުރިމަތިލުމަށާއި ބޭރު ކަނޑުތަކުގައި ދިވެހިރާއްޖޭގެ މަސްލަހަތު ހިމާޔަތްކުރުމަށް ދިވެހި އަސްކަރިއްޔާއިން މަނަވަރަށް ބޭނުންވާ މިންވަރު މިއަދު ހަމަވާ ކަމަށެވެ.

ރާއްޖޭގެ ކަނޑުގެ ސަރަހައްދު ދީފައު ކުރުމަށް ރާއްޖެއިން ބޭރުން އަންނަ ނުރައްކާތަކާއި ކުރިމަތިލުމަށް ދިވެހި އަސްކަރިއްޔާގައި އެ ގާބިލުކަން ހުރުން މުހިއްމު ކަމަށް ވެސް ހިލްމީ ފާހަގަ ކުރެއްވެވި އެވެ.