ހަމާސް ގެ ޑިފެކްޓޯ ލީޑަރު އަދި މިލިޓަރިީ ވިންގުގެ އިސްވެރިޔާއި ޔަހްޔާ ސިންވަރު ވަނީ އިއްޔެ ވަގުތެއްގައި އަވަހާރަކޮށްލާފައެވެ.

ޔަހްޔާ ސިންވަރު އަވަހާރަކޮށްލާފައިވަނީ ރަފްހާ އިން ދިން ހަމަލާތަކަކަށް ރައްދު ހަމަލާތަކެއް ދެމުން ދަނިކޮށެވެ. މަޢުލޫމާތު ލިބިފައިވާ ގޮތުން އޭނާ އަވަހާރަކޮށްލާފައިވަނީ ޓޭންކަރުން ދިން ހަމަލާއެއްގައެވެ.

ޔަހްޔާ އަކީ ޙަމާސްގެ މިލިޓަރީ ވިންގުގެ އެންމެ އިސްވެރިޔާއަށް ވާއިރު، އޭނާ އަކީ 7 އޮކްޓޯބަރުގައި ޙަމާސް އިން ޙަމަލާގައި އެންމެ އިސްކޮށް ހުރި ފަރާތެވެ. އެގޮތުން ޔަހްޔާ ހޯދުމުގެ މަސައްކަތް އިސްރާއީލު އަދި އިސްރާއީލަށް ވާގިވެރިވާ ގައުމުތަކުން ހޯދަމުން އަންނަތާ ވަރަށް ވަރަށް ދުވަސްވެއްެޖެއެވެ. ޔަހްޔާ އަވަހާރަވެފައިވަނީ، ހަމާސްގެ ލީޑަރު އިސްމައީލް ހަނިއްޔާ ވެސް އަވަހާރަވިތާ ތިން މަސް ވެސް ނުވަނީސްއެވެ.