މެސީގެ ކެރިއަރު ނިންމާލަން ވިސްނަނީ

.jpg&w=3840&q=75)
18 އޮކްޓޯބަރު 2024 - 11:19
ފުޓްބޯޅައިގައި މިހާރު މިދަނީ އޭނާގެ އެންމެ ފަހުގެ ދުވަސްތައް ކަމުގައި ވިސްނާ ކަމަށް އާޖެންޓީނާގެ ކެޕްޓަން ލިއޮނަލް މެސީ ބުނެފިއެވެ.
ފީފާ ވޯލްޑް ކަޕުގެ ކޮލިފައިންގައި ބޮލީވީއާ ދެކޮޅަށް ތިން ލަނޑު ޖަހައި، ހެޓްރިކް ހެދި މެޗަށް ފަހު ނޫސްވެރިއަކު ކުރި ސުވާލަކަށް ޖަވާބު ދެމުން މެސީ ބުނީ، އަދި ކުޅުން ހުއްޓާލަން ނިންމާނެ ދުވަހެއް ވިސްނާފައި ނުވި ނަމަވެސް، މިހާރު ގުނަމުންދަނީ ކެރިއަރުގެ އެންމެ ފަހު ދުވަސްތައް ކަން އެނގޭ ކަމަށެވެ.
އެގޮތުން މިހާރު އޭނާ ހުރީ ހިތްހަމަ ޖެހޭ ހިސާބެއްގައި ކަން ފާހަގަކުރަމުން މެސީ ބުނީ، އާޖެންޓީނާގެ ޓީމާއެކު ވެސް ގިނަ މަސައްކަތްތަކެއް ކުރެވި، ސަޕޯޓަރުންގެ ލޯތްބާއި އިހްތިރާމު ވެސް އޭނާއަށް ލިބިފައިވާ ކަމަށެވެ. އެހެންކަމުން ފުޓްބޯޅައިގައި ރަނގަޅަށް ކުޅެވޭހާ ހިނދަކު، އެ ކުޅިވަރު ދޫކޮށްލަން ނުވިސްނާ ކަމުގައި މެސީ ބުންޏެވެ.
އާޖެންޓީނާގެ ޓީމާއެކު ހޭދަކުރަނީ އުފާވެރި ދުވަސްތަކެއް ކަމުގައި މެސީ ވަނީ ފާހަގަކޮށްފައެވެ.
ދުނިޔޭގެ އެންމެ މޮޅު ކުޅުންތެރިޔާގެ ގޮތުގައި ގިނަ ފަރާތްތަކުން ދެކޭ މެސީ ވަނީ، ގައުމީ ޓީމާއެކު 2022 ވަނަ އަހަރުގެ ވޯލްޑް ކަޕް އަދި 2021 އަދި 2023 ވަނަ އަހަރުގެ ކޮޕަ އެމެރިކާ ތަށި އުފުލާފައެވެ. އޭނާ ވަނީ އާޖެންޓީނާއަށް ކުޅެދިން 189 މެޗުގައި 112 ލަނޑު ޖަހައިފަ. އޭނާ އަކީ އާޖެންޓީނާގެ ތާރީޚުގައި ވެސް، ގައުމީ ޓީމަށް އެންމެ ގިނަ ގޯލު ޖަހައިދިން ކުޅުންތެރިޔާ އަށް ވާއިރު ގައުމީ ޓީމަށް އެންމެ ގިނަ މެޗު ކުޅެދިން ކުޅުންތެރިޔަކީ ވެސް މެސީއެވެ.
އިތުރު ލިޔުންތައް

އިންޖަރީއަށް ފަހު މެސީ އެނބުރި ގައުމީ ޓީމަށް
6 މަސް ކުރިން
37 އަހަރުގައި ވެސް މެސީ ދެއްކީ ތަފާތު، މެޗު ނިންމާލީ ހެޓްރިކެއް ހަދައިގެން
6 މަސް ކުރިން
މެސީގެ ޖާދުލާއިއެކު އިންޓަ މިއާމީ އިން ސަޕޯޓާސް ޝީލްޑް ކާމިޔާބުކޮށް، ކްލަބް ވޯލްޑް ކަޕަށް
5 މަސް ކުރިން