މިއަދު ވެސް ރާއްޖޭގެ އެކި ހިސާބަށް މޫސުން ގޯސްވާނެ ކަމަށް ގައުމީ މޫސުމާ ބެހޭ އިދާރާ (މެޓް) އިން ލަފާކޮށްފި އެވެ.

މެޓު އޮފީހުން ބުނީ ކުުރިއަށް އޮތް 24 ގަޑިއިރު، ރާއްޖޭގެ އެކި ކަންކޮޅުތަކަށް ވިއްސާރަ ކުރާނެ ކަމަށެވެ. އެގޮތުން ރާއްޖޭގެ އެކިހިސާބަށް ވިއްސާރަކުރުމާއެކު ގުގުރުން އެކަށީވެގެންވާ ކަމަށް މެޓުން ލަފާކޮށްފައިވެ އެވެ. ވައިޖެހޭނެ ކަމަށް ލަފާކޮށްފައިވާ ގޮތަށް ބަލާއިރު، ހުޅަނގާއި ހުޅަނގުއުތުރުން ގަޑިއަކު އަށް މޭލާއި 18 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް ލަފާކޮށްފައި ވެއެވެ. އޭގެ އިތުރުން، ވިލާގަނޑުގައި ގަޑިއަކު ގާތްގަނޑަކަށް 35 މޭލު ބާރުމިނަށް ވައި ގަދަވުން އެކަށީގެންވާ ކަމަށްވެސް މެޓުން މައުލުމާތުދެ އެވެ. ރާއްޖޭގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ ކަމަށް ވެސް މެޓުން ލަފާކޮށްފައިވެވއެވެ.

Ad by Hajj Corporation

ރާއްޖެއަށް މިހާރު ކުރަމުންދަނީ ހުޅަނދު މޫސުމުގެ ވިއްސާރައެވެ. މެޓު އޮފީހުން ބުނީ ވިއްސާރައެއްކޮށް އަލިވާނެ ދުވަހެއް ލަފާކުރަން ނޭނގޭ ކަމަށެވެ. އަދި މި ހަފްތާގައި އެކި ދުވަސްދުވަހު ވިއްސާރަވާނެ ކަމަށް ވެސް މެޓުން ބުނެ އެވެ.