ފުވައްމުލަކަށް 1200 ކިލޯގެ ޖަނަރޭޓަރެއް ފޮނުވަން ފެނަކަިއިން ނިންމައިފިއެވެ.

ފުވައްމުލަަކަށް ދިމާވެފައިވާ ކަރަންޓު ކެނޑުމުގެ މައްސަލައަށް ހައްލެއް ހޯދައިދިނުމުގެ ގޮތުން ފެނަކައިން ވަނީ 1200 ކިލޯ ވޮޓްގެ ޖަނަރޭޓަރު ސެޓެއް ހޯދައި އެސިޓީއަށް ފޮނުވުމުގެ މަސައްކަތް ފަށާފައި ކަމަށް އެކްސްްގައި ކުރި ޓްވީޓެއްގައި ވަނީ ހާމަކޮށްފައެވެ.

މީގެ ސަބަބުން މިހާުރު ސިޓީއަށް ކުރިމަތިވެފައިވާ ކަރަންޓު ލިބުމުގެ ދަތިަކަމަށް ވަރަށް ބޮޑު ހައްލެއް ލިބިގެންދާނެ ކަމަށް ވެސް ފެނަކައިން ވިދާޅުވިއެވެ. އެސިޓީގެ ކަރަންޓުގެ ޙިދުމަތް ދިނުމަގައި މައްސަލަތައް ދިމާވެފައިވަނީ ކުރީގެ ސަރުކާރުގެ އިހުމާލުން ކަމަށް މިސަރުކާރުން ވިދާޅުވިއެވެ. އެގޮތުންކަރަންޓު ގެ ޙިދުމަތްތައްދޭން ބޭނުންކުރާ އަގުބޮޑު ވަސީލަތްތައް ބަލަންޖެހޭ ވަރަށް ނުބެލެހެއްޓުމާއި، ޖަނަރޭޓަރުތައް އޯވަރހޯލް ނުކުރުމާއި، ފެންވަރުދަށް ސްޕެއަރ އެޅުވުމާއި، ރަށްރަށުގެ ކަރަންޓު ކެޕޭސިޓީއަށް ބެލުމެއްނެތި ޖަނަރޭޓަރުތައް ގާއިމްކުރުން ފަދަ ކަންކަން ކޮށްފައިވާކަން ފެނަކައިން ވަނީ ފާހަގަ ކޮށްފައެވެ

މީގެ ކުރިންވެސް ފެނަކައިން ވަނީ އެސިޓީގައި ބޭނުންކުރަމުން ދިޔަ ޖަނަރޭޓަރެއް ހަލާކުވުމުގެ ސަބަބުން ކަރަންޓު ފޯރުކޮށްދިނުމުގައި ދިމާވިތިތައް ހައްލުކުރުމުގެ ގޮތުން މިއަހަރުގެ ޖެނުއަރީ މަހުގެ ތެރޭގައި އެރަށަށް 02 ޖަނަރޭޓަރު ފޮނުވާފައެވެ. އެގޮތުން އިމަރޖެންސީ ޕްރޮކިއުމަންޓްގެ ދަށުން 800 ކިލޯވޮޓްގެ ޖަނަރޭޓަރު ސެޓަކާއި، އެހެން ރަށެއްގައި އިންސްޓޯލް ނުކޮށްހުރި 800 ކިލޯ ވޮޓްގެ ޖަނަރޭޓަރު ސެޓެއް އެރަށަށްވަނީ ފޮނުވާފައިަކަމަށް ފެނަކައިން މައުލޫމާތުދެއެވެ.

މިސަރުކާރުން ވަނީ ރަށްރަށަށް ބޭނުންވާ ވަރަށް ކަރަންޓު ފޯރުކޮށްދެވޭނެ ގޮތްތައް ހޯއްދަވައި އެކަމަށް ގެންނަންވާ ހައްލުތައް ގެނައުމުގެ މަސައްކަތްތައް ކުރައްވަމުންނެވެ. މީގެ އިތުރުން ރަށްރަށުގެ ގްރިޑު އަޕްގްރޭޑްކުރުމާއި، އިޔާދަކުރަނިވި ހަކަތަ ބޭނުންކޮށްގެން ކަރަންޓު އުފެއްދުމުގެ އެކި މަޝްރޫއުތައް ކުރިއަށްގެންދެވުމަށް މިސަރުކާރުން ވަނީ ނިންމަފާއެވެ.