ރާއްޖޭގެ މެހެމާންދާރީ މުޅިދުނިޔެއަށް ރަމްޒުކޮށްދެނީ ފަތުރުވެރިކަމުން ކަމަށް ވިޒިޓް މޯލްޑިވްސް ކޯޕަރޭޝަން (ވީ.އެމް.ސީ) ގެ ޗީފް އެގްޒެކެޓިވް އޮފިސަރު އަދި މެނޭޖިންގ ޑިރެކްޓަރު ޢަބްދުﷲ ޔާސިރު ވިދާޅުވެއްޖެ އެވެ.

ގައުމީ ފަތުރުވެރިކަމުގެ ދުވަސް ފާހަގަކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން ޔާސިރު ވިދާޅުވީ މިއަހަރަކީ ފަތުރުވެރިކަމުގެ ދާއިރާއަށް ދުނިޔޭގެ ހަނގުރާމައިގެ ސަބަބުން ގޮންޖެހުންތަކާ ކުރިމަތިލާންޖެހުނު އަހަރެއް ކަމަށެވެ. ނަމަވެސް މިހާރު ފަތުރުވެރިކަން ރަނގަޅުވަމުންދާ ކަމަށާއި 2027 ވަނަ އަހަރުގެ ގައުމީ ކެމްޕޭނާ އެކު ދިވެހިރާއްޖެ ކާމިޔާބީ އަށް ވާސިލްވާނެ ކަމަށް ވެސް އޭނާ ވިދާޅުވި އެވެ. އަދި މި ކެމްޕޭނުން ރާއްޖޭގެ ރަށްތަކުގެ ސަގާފަތް ދައްކުވައިދޭނެ ކަމަށް ވެސް އޭނާ ފާހަގަ ކުރެއްވެވި އެވެ.

Ad by Hajj Corporation

"އަޅުގަނދުމެން ހަނދާނަށް އާކޮށްލަންޖެހެނީ ދިވެހިރާއްޖޭގެ އެނމެ ފުރަތަމަ ތަރައްގީ ކުރެވުނު ރިސޯޓް ކުރުނބާ ވިލެޖު ހުޅުވި ރާއްޖޭގެ ތާރީހައި އިގްތިސޯދުގެ އާ ސޮފްހާއެއް ފެށިގެން ދިޔަ ދުވަސް" ޔާސިރު ވިދާޅުވި އެވެ.

 ޔާސިރުގެ ވާހަކަގައި ރާއްޖޭގެ ފަތުރުވެރިކަމުގެ ތާރީޚާއި، ވަޒީފާގެ ފުރުސަތުތަކާއި އިގްތިސާދަށް، މި ދާއިރާއިން ކުރާ މަންފާއަށް އަލިއަޅުއްވާލެއްވި އެވެ. ޔާސިރު ވިދާޅުވީ 2022 ވަނަ އަހަރުގެ ނިޔަލަށް ފަތުރުވެރިކަމުގެ ސިނާއަތުގައި 55,874 މީހުން ވަޒީފާ އަދާކުރަމުންދިޔަ ކަމަށެވެ.