"ޔޫތު ހަބް ކެފޭ ޑިޒައިނިންގ ކޮމްޕެޓިޝަން" ގެ ނަމުގައި ޔޫތް ހަބް ކެފޭ ފަރުމާ ކުރުމަށް މުބާރާތެއް ބޭއްވުމަށް މިނިސްޓްރީ އޮފް ޔޫތު އެމްޕަވަރމަންޓް، ސްޕޯޓްސް އެންޑް ފިޓްނަސް އިން ނިންމައިފި އެވެ.

މިނިސްޓްރީން ބުނީ ޒުވާނުންނަށް އަމާޒުކޮށް، މިފަދަ މުބާރާތެއް ބާއްވަނީ ޒުވާނުންނަށް ހާއްސަ ތަންތަން ފަރުމާ ކުރުމުގައި ޒުވާނުންގެ ދައުރު އިތުރު ކުރުން ކަމަށެވެ. މި މުބާރާތަށް ކުރެހުންތައް ހުށަހެޅުމުގައި ބޭނުންވާ ފަންނީ އެހީތެރިކަން މިނިސްޓްރީގެ ފަރާތުން ދިނުމަށް ވަނީ ނިންމާފަ އެވެ.

Ad by Hajj Corporation

 މި މުބާރާތުގައި ބައިވެރިވެވޭނީ 18 އަހަރާއި 25 އަހަރާ ދެމެދުގެ ޒުވާނުންނަށެވެ. މި މުބާރާތުން އެއްވަނަ އަށް ދާ ފަރާތަކަށް 30,000 ރުފިޔާ ދޭން ނިންމާފައިވާއިރު، ދެވަނައަށް ހުށަހަޅާފައި ވަނީ 10,000 ރުފިޔާ އެވެ. އަދި ތިންވަނައަށްދާ ފަރާތަކަށް 5,000 ރުފިޔާގެ އިނާމެއް ދިނުމަށް ވެސް ވަނީ ނިންމާފަ އެވެ.

މި މުބާރާތާ ގުޅޭ މައުލޫމާތު ދިނުމުގެ ސެޝަނެއް 1 ނޮވެމްބަރު 2026 ވާ އާދިއްތަ ދުވަހުގެ މެންދުރުފަހު 1:00 ގައި ޔޫތު ހަބްގައި ބޭއްވުމަށް ވަނީ ނިންމާފަ އެވެ. މި މުބާރާތުގައި ބައިވެރިވެވޭނީ މި ސެޝަންގައި ބައިވެރިވެ މައުލޫމާތު ސާފުކުރާ ފަރާތްތަކަށެވެ.