ކުރިޔަށް އޮތް އަހަރަށް ދައުލަތުން ލަފާކުރާ ބަޖެޓް ފާސްކުރުމުގައި އިދުކޮޅު ފަރާތްތަކުން ވޯޓު ނުދޭނެ ކަމަށް ރައްޔިތުން މަޖިލީހުގެ ފޭދޫ އުތުރު ދާއިރާ މެމްބަރު އިސްމާއިލް ނިޒާރު ވިދާޅުވެއްޖެ އެވެ.

މެންދުރު ޓީވީގެ މައުލޫ ޕްރޮގްރާމްގައި ވާހަކަ ދައްކަވަމުން ނިޒާރު ވިދާޅުވީ އިދިކޮޅު ފަރާތްތަކުން އަބަދުވެސް ބޭނުންވަނީ ސަރުކާރު ހިންދަމާލިޔަ ނުދީ ރައްޔިތުންނަށް ހިދުމަތެއްނުދެވޭނެ ގޮތަކަށް ކަންކަން ކުރަންކަމަށެވެ. ރައްޔިތުން މަޖިލިސް ފަށަން ވެސް ޖެހެނީ އިދިކޮޅު ފަރާތްތަކުން ސަރުކާރަށް ޖެއްސުން ކުރުމުގެ ގޮތުން ހުށަހަޅާ ވަރަށް ބޭކަރު މަސައްކަތްތަކުން ކަމަށް ވެސް ނިޒާރު ސިފަކުރެއްވެވި އެވެ.

Ad by Hajj Corporation

ގައުމު ހަލަބޮލިކުރުމަކީ ރާއްޖެފަދަ ކުޑަ ގައުމަކަށް އެންމެ ރަނގަޅުގޮތް ނޫން ކަމަށާއި، ސަރުކާރުންކުރާ ރަނގަޅު ކަންކަމަށް އިދކޮޅު ފަރާތްތަކުން އެއްބާރުލުންދޭން ޖެހޭ ކަމަށް ނިޒާރު ވިދާޅުވި އެވެ. ނިޒާރު ވިދާޅުވީ ސަރުކާރުން ގޯހުން ކަމެއް ކުރާނަމަ އެކަމާ މަޝްވަރާކުރުން މުހިއްމު ކަމަށެވެ.

ފޭދޫ ދާއިރާ މެމްބަރު ނިޒާރު ވިދާޅުވީ އިދިކޮޅު ފަރާތަކަށްވީތީ ސަރުކާރުންކުރާ ހުރިހާ ކަމަކާ ދެކޮޅު ހެދުމުގެ ސިޔާސަތެއް ގެންގުޅުމަކީ އެންމެ ރަނގަޅު ގޮތެއް ނޫން ކަމަށެވެ. އެފަދަ ވިސްނުމެއްގައި މަސައްކަތް ކުރުމުން ތަރައްގީގެ ދުވެލި މަޑުޖެހޭ ކަމަށާއި އެއީ އިދިކޮޅުން ރަނގަޅު ކުރަންޖެހޭ ކަމެއް ކަމަށް ވެސް ނިޒާރު ފާހަގަ ކުރެއްވެވި އެވެ.