ކުރީ ސަރުކާރު ނިމުނުއިރު ކުންފުނީގެ ހާލަތު ދަށްކަމަށާއި މިހާރުވެސް އެންޓި ކޮރަޕްޝަން ކޮމިޝަނަށް ހުށަހެޅިގެން ބަލަންޖެހޭ ކިތަންމެ ކަމެއް އެބަހުރިކަމަށް އައިލެންޑް ބޭވަރޭޖަސް މޯލްޑިވްސް ޕްރައިވެޓް ލިމިޓެޑްގެ މެނޭޖިން ޑިރެކްޓަރު މުހައްމަދު ޖިނާން ޖަލީލް ވިދާޅުވެއްޖެއެވެ.

އެމްޑީ ޖިނާން މިފަދައިން ވިދާޅުވީ މެންދުރު ޓީވީގެ މައުޟޫ ޕްރޮގްރާމޔުގައި ކުންފުނީގެ ހާލަތާ ބެހޭ ގޮތުން ވާހަކަފުޅު ދައްކަވަމުންނެވެ. އެމްޑީ ވިދާޅުވީ އައިބީއެމްވެސް އޮތީ އެހެން ކުންފުނިތައް އޮތް ހާލަތުގައިކަމަށެވެ.

Ad by Hajj Corporation

" އޭސީސީން މާދަމާ ވަނަސް ތަހުގީގުކުރެވޭނެ އަދި މައްސަލަ ހުށަހެޅިއަސް ބެލޭނެ ކަންކަން އެބަހުރި ކުންފުނީގެ ތެރޭގައި ހިންގާފައި. ވަކި ކަމެއް ދަންނަވާކަށް ނެތިން. އެކަމަކު މިހާކަތުން އަރައިގަތުމަށް މިދަނީ މަސައްކަތްކުރަމުން. ވަރަށް ގާބިލު މުވައްޒަފުން ތިބީ. އެހެންވީމަ އެ މުވައްޒަފުންނާ އެކުގައި ކުންފުނި ފައިދާގައި ހިންގުމަށް މަސައްކަތްކުރަމުން މިދަނީ".

އައިލެންޑް ބޭވަރޭޖަސް މޯލްޑިވްސް ޕްރައިވެޓް ލިމިޓެޑަކީ ފެންކުންފުނި- އެމްޑަބުލިއުއެސްސީގެ ދަށުން ހިންގަމުން އަންނަ ކުންފުންޏެކެވެ.

ފެން އުފެއްދުމާއި، ރައްކައުކުރުމާއި، ފެން ފޯރުކޮށްދިނުމުގެ ޤާބިލުކަން އިތުރުކޮށް، ރައްޔިތުންނަށް ފޯރުކޮށްދެވޭ ފެނުގެ ޚިދުމަތުގެ ކަށަވަރުކަން އިތުރުކުރުމަށް އެމް.ޑަބްލިޔު.އެސް.ސީން އަންނަނީ ބޮޑެތި މަސައްކަތްތަކެއް ކުރަމުންނެވެ.

އެމް.ޑަބްލިޔު.އެސް.ސީ ގެ އަމާޒަކީ މެދުކެނޑުމެއްނެތި، ދެމެހެއްޓެނިވި ގޮތެއްގައި ސާފު ބޯފެނާއި ރައްކައުތެރި ނަރުދަމާގެ ޚިދުމަތް އެންމެހައި ރައްޔިތުނަށް ފޯރުކޮށްދިނުންކަމަށްވެސް އެ ކުންފުނިން މައުލޫމާތުދެއެވެ.