އަންނަ ނޮވެމްބަރުން ފެށިގެން ޑޮމެއިން ނަންބަރުގެ ޚިދުމަތް ފަށަން މަސައްކަތް ކުރަމުން އަންނަކަމަށް ޓްރާންސްޕޯޓް މިނިސްޓްރީން މިއަދު ބުނެފިއެވެ.

އެ މިނިސްޓްރީން ނެރުނު ބަޔާނެއްގައި ބުނީ ޑޮމެއިން ނަންބަރު ދޫކުރުމުގައި ފެންމަތިވި މައްސަލަތަކެއްގެ ސަބަބުން މިދިޔަ ރިޔާސީ ދައުރުގައި، ރައީސް އޮފީހުން ވަނީ ޑޮމެއިން ނަންބަރުތަކާއި ގުޅޭ ޚިދުމަތް ވަކިގޮތެއް ނިމެންދެން ހުއްޓުވާފައި ކަމަށެވެ.

މި ކަމަކީ ދިވެހިންނާއި އަދި ޚާއްޞަކޮށް ޒުވާނުންގެ މެދުގައި ވަރަށް މަގުބޫލްކަމަކަށްވުމުން މިކަމަށް ހައްލު ހޯދައި، އަލުން މި ޚިދުމަތް ފެށުމަކީ މި ސަރުކާރުން ވަރަށް އިސްކަމެއްދޭ ކަމެއްކަމަށް ވެސް އެ މިނިސްޓްރީން ބުނެފަވެއެވެ.

ޓްރާންސް ޕޯޓް މިނިސްޓްރީގެ މުޅި ނޫސްބަޔާން ކިޔާލަން:

އެ މިނިސްޓްރީން މަސައްކަތް ކުރަމުން ދަނީ މި އަންނަ ނޮވެމްބަރު މަހުގެ ތެރޭގައި އަލުން ޑޮމެއިންގެ ޚިދުމަތްފަށައި، ދިމާވެފައިވާ މައްސަލައަށް ހައްލު ކުރުމުގެ މަސައްކަތް ފެށުމަށް ކަމަށް މި ބަޔާނުގައި ބުނެފަވެއެވެ.

މީގެ އިތުރުން ޓްރާންސް ޕޯޓް މިނިސްޓްރީން ވަނީ މި މަސައްކަތުގެ ތެރެއިން އެއްވެސް ފަރާތެއްގެ ޙައްޤަކަށް އުނިކަމެއް ނާންނާނެކަމުގެ ޔަޤީންކަން ވެސް ދީފައެވެ.