ބާއަތޮޅުގެ ރަށްތަކަށް ހުޅުވާލައިގެން ބާއްވާ 'ބެޓަރ އިން ބާ ފުޓްސަލް ފިއެސްޓަރ 2024' ފުޓްސަލް މުބާރަތް ފަށަން ތައްޔާރުވެއްޖެއެވެ.

މިއީ މިގޮތުން ބާއްވާ ސިލްސިލާ މުބާރާތުގެ ދެވަނަ އެޑިޝަން އެވެ. ބާ އަތޮޅު ކައުންސިލުން އިންތިޒާމް ކޮށްގެން ބާއްވާ އެކައުންސިލްގެ އެންމެ ބޮޑު ފުޓުބޯޅަ މުބާރާތުގައި ދެ ޑިވިޝަނަކުން ޖުމްލަ 17 ޓީމު ބައިވެރިވެފައިވެއެވެ. އެއީ ފިރިހެން ޑިވިޝަންގައި ނުވަ ޓީމާއި އަންހެން ޑިވިޝަންގައި 8 ޓީމެވެ. މި މުބާރާތް މި އަހަރު ކުރިޔަށް ކުރިޔަށް ގެންދާނީ ނޮވެންބަރު މަހުގެ 1 ވަނަ ދުވަހުން ފެށިގެން 12 އާ ހަމައަށް އޭދަފުށީ ފުޓްސަލް ސްޓޭޑިއަމްގައެވެ.

މި މުބާރާތުގެ ކޮންމެ ޑިވިށަޝަނެއްގެ ޗެންޕިއަންޓީމަށް 75،000 ރުފިޔާ ގެ ފައިސާގެ އިނާމެއް ދިނުމަށް ހަމަޖެހިފައިވާއިރު ކޮންމެ ޑިވިޝަނެއްގެ ރަނަރަފް ޓީމަކަށް 35،000 ރުފިޔާގެ ފައިސާގެ އިނާމު ލިބިގެންދާނެއެވެ.

މުބާރާތުގެ ފިރިހެން ޑިވިޝަންގައި ވާދަކުރާ ޓީމުތަކަކީ ފެހެންދޫ، ތުޅާދޫ، ގޮއިދޫ، މާޅޮސް، ދަރަވަންދޫ، ދޮންފަނު،ކަމަދޫ އަދި ކިހާދޫގެ އިތުރުން އެންމެ ފަހުގެ ޗެންޕިއަން އޭދަފުއްޓެވެ. 2023 ވަނަ އަހަރު އޭދަފުށި ޗެންޕިއަންކަން ހޯދީ ފައިނަލް ގައި ހިތާދޫއާއި ބައްދަލުކުރިމެޗު 2-2 އިން އެއްވަރުވުމުން ޕެނަލްޓީ ޖަހައިގެންނެވެ.

ނިމިދިޔަ މުބާރާތުގެ ފިރިހެން ޑިވިޝަންގެ ޗެންޕިއަންޓީމް އޭދަފުށި. ފޮޓޯ: މާޅޮސްމަޑުލު ދެކުނުބުރީ އަތޮޅު ކައުންސިލްގެ އިދާރާ

އަންހެން ޑިވިޝަންގައި ބައިވެރިވަނީ ތުޅާދޫ، މާޅޮސް، ދަރަވަންދޫ، ދޮންފަނު،ކަމަދޫ، ކިހާދޫ އަދި އޭދަފުށީގެ އިތުރުން އެންމެފަހުގެ ޗެންޕިއަން ގޮއިދޫއެވެ. ނިމިދިޔަ މުބާރާތުގައި ގޮއިދޫއިން ޗެންޕިއަންކަން ހޯދީ ފައިނަލްގައި ދަރަވަންދޫ އަތުން 9-0 ގެ ތަފާތުބޮޑު ނަތީޖާއެއް ހޯދައިގެންނެވެ.

ނިމިދިޔަ މުބާރާތުގެ އަންހެން ޑިވިޝަންގެ ޗެންޕިއަންޓީމް ގޮއިދޫ. ފޮޓޯ: މާޅޮސްމަޑުލު ދެކުނުބުރީ އަތޮޅު ކައުންސިލްގެ އިދާރާ

މި މުބާރާތުގައި ގްރޫޕް ސްޓޭޖުގައި ކޮންމެ ދުވަހަކުވެސް ހަތަރު މެޗުކުޅެވިގެންދާނެއެވެ. އެގޮތުން އަންހެން ޑިވިޝަންގެ މެޗުތައް ކުޅޭނީ ހަވީރުގައެވެ. އަދި ފިރިހެން ޑިވިޝަންގެ މެޗުތައް ކުޅޭނީ ރޭގަނޑުއެވެ

މި މުބާރާތުގެ މަޤުޞަދަކީ ހުނަރުވެރި ފުޓުބޯޅަ ކުޅުންތެރިން ތަކެއް އުފައްދައި، އެ ކުދިންގެ ހުނަރު ދައްކާލުމަށް ފުރުސަތު ހުޅުވާލުމާއި އަތޮޅުގެ ރަށްތަކުގެ މެދުގައި އެކުވެރިކަމާއި އެއްބައިވަންތަކަން ޤާއިމްކުރުން ކަމުގައި މި ނޫހަށް މަޢޫލޫމާތުދީފައިވެއެވެ.