67 ކާޓަން ސިނގިރޭޓާއެކު މީހަކު ހައްޔަރުކޮށްފިއެވެ.

މީޑިއާތަކަށް ފޮނުވި މެސެޖެއްގައި ފުލުހުން ވިދާޅުވީ، މާލެތެރެ ޕެޓްރޯލް ކުރަމުން ދިޔައިރު އޮލިމްޕަސް ކައިރިން ދިޔަ މީހަކާމެދު ތުހުމަތު ކުރެވިގެން ހުއްޓުވައި, އޭނާ ގެންގުޅުނު ދަބަސްތަކަކާއި ކޮތަޅުތަކެއް ބަލައި ފާސްކުރިއިރު އެ ސިނގިރޭޓު ކާޓަންތައް ފެނުނު ކަމަށާއި، އެތަކެއްޗަކީ އޯޝަން ނޮޓިކަލް ޕްރައިވެޓް ލިމިޑެޓުން އޭނާ ވަގަށް ނަގާފައިވާ ތަކެތިކަން މިހާތަނަށް ބެލިބެލުމުން އެނގިފައިވާ ކަމަށެވެ.

Ad by Hajj Corporation

މި މައްސަލައާ ގުޅިގެން ހައްޔަރުކޮށްފައިވަނީ ށ. ފޭދޫ, ހިރުނުމާގެ, މުހައްމަދު ލުޖައިން (24އ) އެވެ.

އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 5 ދުވަހުގެ މުއްދަތެއް ދީފައިވާއިރު އަމުރުން އެނގޭ ގޮތުގައި ކުރު މުއްދަތެއް ދީފައިވަނީ ވަކީލެއްގެ ފުރުސަތަކަށް އެދިފައިވާތީ އެކަން ފަހިކޮށް ދިނުމުގެ ގޮތުންނެވެ.

ކޯޓު އަމުުރުގައި ބުނެފައިވަނީ ތުހުމަތުކުރެވޭ ކޮންމެވެސް މިންވަރަކަށް ހެކި ގަރީނާ ހުށަހަޅާފައިވާ ކަމަށެވެ. އޭގެ ތެރޭގައި ފުލުހުންގެ ހާދިސާ ރިޕޯޓާއި އޭނާގެ ހައްޔަރާއި ބަންދު ލޮގު ހިމެނޭ ކަމަށް ބުނެފައިވެ އެވެ.