ގައުމީ އެއާލައިން- މޯލްޑިވިއަންގެ ޗާޓާ ދަތުރުތައް ދެކުނު އެފްރިކާއަށް ފަށަން ނިންމައިފިއެވެ.

އައިލެންޑް އޭވިއޭޝަނުން ދެކުނު އެފްރިކާގައި ޗާޓާ ހިދުމަތްތަކާއި ޖެނެރަލް ޕަސެންޖާ ސޭލްސް އެޖެންޓް (ޖޭއެސްއޭ)ގެ ހިދުމަތް ދޭނެ ބަޔަކު ހޯދަން ކުރި އިއުލާނު ގެ މުއްދަތު މިހާރު އިތުރުކޮށްފައިވާއިރު މި ހިދުމަތް ދޭން ޝައުގުވެރިވާ ފަރާތްތަކުން މިމަހުގެ 12 ވަނަ ދުވަހުގެ މެންދުރުފަހު 2:00 ގެ ކުރިން ޝައުގުވެރިކަން ފާޅުކޮށް އެކަން އަންގަން ޖެހެއެވެ. އަންނަ އަހަރުގެ ފެބްރުއަރީ މަހު ގެ ތެރޭގައި ދެކުނު އެފްރިކާއަށް ދަތުރުތަށް ފަށަން ތައްޔާރުވަމުން އަންނައިރު މި ދަތުރުތަކަށް ބޭނުންކުރުމަށް ހަމަޖެހިފައިވަނީ އޭ330-200 މަރުކާގެ ފްލައިޓެކެވެ.

މި ފްލައިޓްތަކުގައި ޖުމްލަ ޖުމްލަ 264 ސީޓު ހުންނާނެއެވެ.