ރާއްޖޭގެ އެންމެ ގިނަ ބަޔަކު ބަލާ އަދި އެކުޅިވަރަށް އެންމެ މަރުދޭ ކުޅިވަރު ފުޓްބޯޅައިގެ ނިމެމުންދާ ހުޅުކޮޅުގައި އަލުން ދިރުވުމެއް ގެނައުމަށް ސަރުކާރުން އިސްނަގައިގެން މުޅި ރާއްޖެއަށް ހުޅުވާލައިގެ 'އަލުން ދަނޑަށް' ޝިޔާރުގެ ދަޢުން 90 ޕްލަސް ގޯލްޑް ކަޕް 2024 ގަލޮޅުދަނޑުގައި ފަށަން ތައްޔާރުވެއްޖެއެވެ. މި މުބާރާތަކީ ސްޕޯޓްސް މިނިސްޓްރީ އާއި 90 ޕްލަސް ގުޅިގެން އިންތިޒާމް ކުރާ މުބާރާތެކެވެ. މުބާރާތުގައި ބައިވެރިވުމުގެ ފުރުސަތު ލިބޭނީ ކައުންސިލް ނޫނީ ރަށް ތަމްސީލްކުރާ ކްލަބަކަށެވެ.

މު ޅި ރާއްޖެ އަށް ހުޅުވާލައިގެން ބޭއްވުމަށް ހަމަޖެހިފައިވަ މި މުބާރާތުގައި ޖުމްލަ 22 ޓީމެއް ވާދަކުރާނެއެވެ. ޗެންޕިއަން ޓީމަށް 100،000 ރުފިޔާ އާއި ރަނަރަފް ޓީމަށް 50،000 ލިބޭ މި މުބާރާތުގައި މިހާރުވެސް ރާއްޖޭގައި ފުޓްބޯޅަ އަށް ފޯރިހުންނަ ބޮޑެތި ރަށްތަކުން ވަނީ ބައިވެރިވެފައެވެ.

މި މުބާރާތުގައި މިހާރު ބައިވެރިވެފައިވާ ޓީމުތަކަކީ: ހ.އ ދިއްދޫ، ހދ. ނޭކުރެންދޫ، ރ. އަލިފުށި، ބ. އޭދަފުށި، ބ. ތުޅާދޫ، ބ. ކެންދޫ، ޅ. ނައިފަރު، ޅ. ކުރެންދޫ، މާލެ ސިޓީ، ކ. މާފުށި، ކ. ހުރާ، ކ. ގުރައިދޫ، އ.އ ތޮއްޑޫ ، ފ. ނިލަންދޫ، ދ. މީދޫ، ދ. ކުޑަހުވަދޫ، ތ. ތިމަރަފުށި، ގއ ދެއްވަދޫ، ގދ. ފަރެސްމާތޮޑާ، ފުވައްމުލައްސިޓީ އަދި އައްޑޫ ސިޓީ އެވެ.

6 ގްރޫޕަކަށް ބަހާލައިގެން ގްރޫޕެއްގައި 4 ޓީމު ހެމެނޭ ގޮތަށް ކުޅޭ މި މުބާރާތުގައި ކޮންމެ ގްރޫޕެއްގެ އެންމެ މޮޅު ދެ ޓީމު ގަދަ 16 އަށް ދާނެއެވެ. ނޮވެމްބަރު 20 އިން ޑިސެންބަރު 25 ވަނަ ދުވަހާހަމައަށް ކުރިޔަށް ގެންދާ މި މުބާރާތް ކުޅެން ހަމަޖެހިފައިވަނީ ގަލޮޅު ނޭޝަނަލް ސްޓޭޑިއަމްގައެވެ.