މި މަހު އޮންނަ ޔޫތް ސާފް ޗެމްޕިއަންޝިޕްގައި ރާއްޖެއިން ވަރުގަދަ ދެ ޓީމާ ވާދަކުރަން ޖެހިއްޖެއެވެ.

މި މަހުގެ 20 އިން 30 އަށް ނޭޕާލުގައި އޮންނަ ޔޫތް ސާފްޗެމްޕިއަންޝިޕުގައ ރާއްޖެ ވާދަކުރާނީ އިންޑިޔާ އަދި ބަންގްލަދޭޝްއާއެވެ. އެގޮތުން ފުރަތަމަ މެޗުގައި ބަންގްލަދޭޝްއާ ދެކޮޅަށް ރާއްޖެއިން ނުކުންނާނީ މި މަހު 22 ގައިއެވެ. އަދި އިންޑިޔާއާ ދެކޮޅަށް ރާއްޖެއިން ކުޅޭނީ މި މަހުގެ 24 ވަނަ ދުވަހުއެވެ.

މި އަހަރުގެ ޔޫތް ސާފްޗެމްޕިއަންޝިޕުގައި ރާއްޖެއާއެކު ޖުމްލަ ހަތް ގައުމަކުން ބައިވެރިވެއެވެ. އެގޮތުން ދެ ގްރޫޕަކަށް ބަހާލައިގެން ކުޅޭ މި މުބާރާތުގައި ރާއްޖޭގެ ގްރޫޕުގައި އިންޑިޔާ އަދި ބަންގްލަދޭޝް ހިމެނޭއިރު، ގްރޫޕު ބީ ގައި ހިމެނެނީ ނޭޕާލް، ޕާކިސްތާން، ސްރީލަންކާ އަދި ބޫޓާންއެވެ.

މުބާރާތް ރޭވިފައިއޮތް ގޮތުން، މުބާރާތުގެ ގްރޫޕް ސްޓޭޖް ނިމުމަށްފަހު އޮންނާނީ ސެމީ ފައިނަލްއެވެ. އެގޮތުން ސެމީ ފައިނަލްގެ ޖާގަ ހޯދާނީ ކޮންމެ ގްރޫޕަކުން ވެސް އެންމެ މަތިން ޕޮއިންޓް ހޯދާ ދެ ޓީމެވެ.